Sekaliya 7:11 - Baibo Busansulushi Bwa Libuku Ili

¹¹ “Sombi bantu bangu bakakaka kunyumfwa. Ncakwiila bakacala matwi abo

Sekaliya 7:11 Iomraidhean Croise

2 Makani 33:10

Nabi Mwaami Lesa wakacenjesha Manase abantu bakwe boonse, bakakaka kukonkela ncaakalinga kubalwiita.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Neyemiya 9:29

Mwakabacenjesha kunyumfwila kwiisha kwanu, sombi balo bakalisumpula akukaka kukonkela milawo yanu nakubi kwaamba ayi Milawo yanu ilapa buumi kumuntu na weekonkela. Ceebo ca bushicimpamya bwabo bakaka kumunyumfwila.

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Isaya 28:12

Ceebo ngondimwe ngwaakaambila ayi, “Anooyu musena wakookesheshaamo, abo balemete abese bookeshe mumusena uyu.” Sombi mwebo mwakakaka kumunyumfwila.

Isaya 46:12

“Ono amukutike nshentokwaamba mwebo nobantu beshicimpamya. Amukutike mwebo nomuyeeya ayi teshi mukapulushikwe onoono.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Isaya 65:12

malwesa anu nkufwa lufu lubiibi. Ncakwiila mulaakumana kufwa kunkondo mukwiinga ndindakeeta tamukwe kukumbula, alimwi ndakaamba, sombi tamukwe kunkutika. Mwakacita bubi mumeenso angu mukusala kucita shitasangalashi ndime.”

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.

Jelemiya 13:10

Bamucita shibi abo bakakaka kunyumfwila maswi angu. Bakakonkela bushicimpamya bwa myoyo yabo akuya mukusebensela akulambila balesa bamwi. Paceebo ceeco balaakuba bweenka mbuli laamba uyu utacite ncito napaceyuubo.

Jelemiya 17:23

Nakubi boobo balo tabakwe kunyumfwila nabi kubikako maano. Bakalinga beshicimpamya alimwi tebakalinga kunyumfwila nabi kusumina kululikwa kuli ndime.

Jelemiya 17:27

Sombi na mukabule kunyumfwila akusalasha bushiku bwakookesha bwa Cibelu mukutanoonyamuna mikuli ili yoonse pakwiinda paminjililo ya ndabala ya Jelusalemu pabushiku ubo, ndaakunyansha mulilo utashimiki paminjililo ya ndabala iyo, uyo weshi ukateente shiyubilo sha njiyo.’ ”

Jelemiya 19:15

“Mwaami Lesa, Shinkusu shoonse, Lesa wa bene Isilaeli waamba ayi, ‘Amunyumfwe! Ndaakuletela ndabala ino inene amandabala oonse ayo ashingulukite, mapensho ayo oonse ngondakashomesha kucita ceebo ca bushicimpamya bwabo aceebo cakukaka kunyumfwa kumaswi angu.’ ”

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Jelemiya 36:31

Ndaakukupa mulandu webo, bana bako abacinenenene bako ceebo ca shibiibi nshemwakacita. Bene Jelusalemu abene Juda ndaakubaletela mapensho oonse ngondakaamba kubaletela ceebo tabakwe kunyumfwila.’ ”

Jelemiya 42:21

Ono sunu ndamulwiita, sombi tamutoonyumfwila Mwaami Lesa, Lesa wanu muli shoonse isho nshaakantuma ayi mwaambile.

Jelemiya 44:16

“Teshi tunyumfwewo maswi ayo ngowatwaambila muliina lya Mwaami Lesa!

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Jelemiya 7:24

Sombi balo tabakwe kunyumfwila nabi kubikako maano. Bakakonkela miyeeyo ibiibi ya myoyo yabo ya bushicimpamya. Bakalinga kuya ciboolabo pesule cakutayawo kunembo, sobwe.

Jelemiya 7:26

Sombi tamukwe kunyumfwila nabi kubikako maano. Mwakayumya myoyo yanu akubisha kwiinda bamashali banu bakulukulu.’

Jelemiya 8:5

Ceebonshi mwebo nobantu bangu mulamfutatila? Ceebonshi mwebo nobene Jelusalemu mulamfutatila lyoonse? Mulakakatila kushintu shabubeshi akukaka kupilukila kuli ndime.

Esekelo 14:5

Ndaakucita boobo kwaamba ayi mbooshe myoyo ya bene Isilaeli abo boonse bakanshiya ceebo ca shibumbwabumbwa.’

Esekelo 3:7

Sombi bene Isilaeli balo tabalibambite kukunyumfwila ceebo tabalibambite kunyumfwila anebo. Tabanyumfwili ceebo bene Isilaeli boonse mbayumu myoyo alimwi mbeshicimpamya.

Esekelo 5:6

Nakubi boobo ceebo cakubisha kwa bamundabala iyo bakaashukila milawo amilasho yangu kwiinda mishobo imwi ashishi isho shibashingulukite. Ncakwiila bakakaka milawo yangu alimwi tabakwe kukonkela milasho yangu.

Danyelo 9:5

Twakabisha, twalinga kucita bubi alimwi twakalubisha. Twakafutatila milawo amilasho yanu.

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Sefaniya 3:2

Teenyumfwi maswi akwiicenjesha. Teenyumfwi maswi akwiilulika. Teecinkite manungo muMwaami Lesa nabi kusenga lucafwo kuli nguwe.

Sekaliya 1:4

Mutabi anga mbamashali banu bakulukulu. Kalekale balaluki bangu bakabapa maswi angu akubalwiita ayi basanduke kuswa kunshila shabo shibiibi amicito yabo ibiibi. Sombi balo tabakwe kunyumfwa nabi kukonkela maswi angu.

Mateyo 13:15

Mukwiinga bantu aba mbeshicimpamya, alimwi bashinka mumatwi akucala meenso abo. Nakuteshi boobo naakwiinga kababonesha akunyumfwishisha akuba amyoyo yakusuna kukutika, kwaamba ayi basanduke kuswa kushibiibi shabo, ayi nebo neLesa mbashilike.’

Milimo ya Batumwi 7:51

“Mwebo nobeshicimpamya! Myoyo yanu ilibo anga nja bantu batashomi muli Lesa alimwi matwi anu taanyumfwi makani akwe! Mulikoshenyebo abamashali banu bakulukulu mukwiinga amwebo tamunyumfwili Mushimu Usalashi!

Milimo ya Batumwi 7:57

Mpomunyaawo beendeleshi ba nkuta bakoolobesha akushinka mumatwi. Paciindi ceenka ico, boonse bakamufukukila.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.