Sekaliya 4:6 - Baibo Busansulushi Bwa Libuku Ili

⁶ Kuswawaawo wakaŋambila ayi, “Aya ngomaswi a Mwaami Lesa kuli Selubabelo. Waamba ayi, ‘Teshi ukakome ceebo ca nkusu sha bashilumamba nabi nkusu shako omwiine, sombi ulaakukoma ceebo ca Mushimu wangu. Nebo neMwaami Lesa Shinkusu shoonse ndaamba.

Sekaliya 4:6 Iomraidhean Croise

Matalikilo 41:16

Josefu wakakumbula ayi, “Anebo nshikoonshi nobaami. Sombi Lesa utoopa bupandulushi buyandika.”

1 Baami 19:12

Ndicakeenda ico citentanshi kwakaba mulilo, sombi Mwaami Lesa taakalinga mumulilo. Kuswa mulilo kwakanyumfwika liswi lyakutepeta.

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

Esila 2:2

Bamatanjilili babo mbaaba: Selubabelo, Joshuwa, Neemiya, Selaya, Leliya, Modekayi, Bilushani, Misipa, Bigifayi, Leyumu aBaana. Aya ngomeena a shipani sha mikowa ya bene Isilaeli pantu pomwi amwelo wa baabo bakapiluka kuswa kubusha.

Esila 3:10

Ono ndibakatalika kuyaka lwiimbi lwa Ŋanda ya Mwaami Lesa, bapailishi mumingaanjo yabo bakeemikana amapeenga, bene Lefi, nkokwaamba ayi bana bakwe Asafu, bakeemikana atusenke tupampamene twakulisha akulumbaisha Mwaami Lesa mbuli bwakaamba Defedi mwaami wa bene Isilaeli mukulukulu.

Esila 5:2

Mpeeke Selubabelo mwanaakwe Sheyalutyelo aJeshuwa mwanaakwe Josadaki bakatalika kuyaka alimwi Ŋanda yakwe Lesa muJelusalemu. Abalo balaluki bobilo abo bakabacafwaako.

Kulumbaisha 33:16

Mwaami taapulushikwi ceebo cakufula kwa bashilumamba bakwe. Taaku shilumamba ukoma kwiinda munkusu shakwe shiinji.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Isaya 30:1

Mwaami Lesa waamba ayi, “Mapensho kubaabo beshicimpamya, ee, kubaabo bacita shamumiyeeyo yabo beene kuleka yaangu. Balapanga shipangano, sombi cakutatanjililwa aMushimu wangu. Mukucita boobo balalundika shibiibi peculu lya shibiibi.

Isaya 32:15

Sombi Lesa ulaakututumina alimwi Mushimu wakwe kuswa kwiculu. Lyalo luyanga lulaakuba muunda wa mboleshi awalo muunda wa mboleshi ulaakuba musaansa.

Isaya 34:16

Amulangoole Libuku lya Mwaami akubelengaamo. Lilaamba ayi, “Pashilengwa ishi taaku nabi comwi ceshi cikaluube alimwi taaku nabi comwi ceshi cikabule cibye kwaamba ayi kashishalana. Ceebo nguMwaami Lesa mwiine waamba ayi cibe boobo alimwi Mushimu wakwe washibunganya pantu pomwi.

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Danyelo 2:34

Ndimwakalinga kulangilisha mwakabona libwe ilyo lyakatimbulwa kukalundu, sombi kuteshi amaansa a muntu. Libwe ilyo lyakooma cibumbwabumbwa kushimpanta shakabumbwa anshimbi alimwi abulongo akushipwayoola.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Agayi 1:1

Mumwaaka wabili wa bwaami bwakwe Dalyasi mwaami wa bene Pesha, bushiku butaanshi mumweenshi wasanu awomwi, Mwaami Lesa wakaamba kwiinda muli ndime neAgayi kuli Selubabelo mwanaakwe Sheyalutyelo uyo wakalinga mweendeleshi wa cishi ca Juda alimwi akuli Joshuwa mwanaakwe Jeosadaki, mupailishi munene.

Agayi 2:21

“Lwiita Selubabelo mwaami wa bene Juda kwaamba ayi ndaakutenkaanya liculu acishi ca panshi.

Sekaliya 6:12

Kuswawaawo umulwiite ayi Mwaami Lesa Shinkusu shoonse waamba ayi, ‘Muntu uyo utokwiitwa ayi Musampi ulaakukomena kabotu pamusena apo mpwaabete akuyakulula Ŋanda ya Mwaami Lesa.

Shakubelenga 27:16

“NoBaami baLesa, nomatalikilo a buumi boonse, ndaseenga ayi musale musankwa uyo weenga watanjilila bantu aba

Bene Efeso 6:17

Alimwi amunyamune lupulusho anga ncimpoompo cakumutabilishaako alimwi mutambule maswi akwe Lesa kuswa kuMushimu Usalashi ayo eshi abe anga ngumupeeni.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”

1 Samwelo 17:47

Boonse babungene waano batooshiba ayi Mwaami Lesa taapulushi bantu kwiinda mukusebensesha mipeeni amasumo. Nkoondo iyi nja Mwaami Lesa, aboobo utoomwaaba noonse mumaanseesu.”