Sekaliya 3:8 - Baibo Busansulushi Bwa Libuku Ili

⁸ “ ‘Ono kutika omupailishi munene Joshuwa pantu pomwi abapailishinyoko abo bashiite kunembo lyako. Bapailishi abo batokwiimikanina shintu shitoosa kunembo. Ndaakuleta musebenshi wangu wiitwa ayi Musampi.

Sekaliya 3:8 Iomraidhean Croise

Kulumbaisha 71:7

Bantu baanji balakankamana pabuumi bwangu, sombi ndimwe beshikunjimikanina beshinkusu.

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.

Isaya 20:3

Ndabala ya Ashidodi ndiyakakomwa, Mwaami Lesa wakaamba ayi, “Bweenka Isaya musebenshi wangu mbwaalinga kuya ceendabo matakosha alimwi amyeendobo kwamyaaka yotatwe ayi ncitondesho cakucenjesha bene Ijipiti abene Kushi,

Isaya 4:2

Ciindi cilaakushikila Musampi wa Mwaami Lesa ndyeshi ukabote akuba abulemu. Lyalo nsheshi shikanooswa mubulongo bwa cishi ico, shilaakusangalasha akuletela bulemu bene Isilaeli abo beshi bakacaale mboomi.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 49:3

Lyalo wakandwiita ayi, “Isilaeli uli musebenshi wangu. Ceebo ca ndiwe bantu balaakunumbaisha.”

Isaya 49:5

“Mwaami Lesa wakamumba nebo mumala muli bama ayi mbe musebenshi wakwe. Ee, ayi mbooshe bamulunyungu lwakwe Jakobo kuli nguwe. Wakacita boobo kwaamba ayi muyobolweteeko bene Isilaeli. Mwaami Lesa ulampa bulemu nebo alimwi muli nguwe mooncana nkusu.”

Isaya 52:13

Mwaami Lesa waamba ayi, “Amubone, musebenshi wangu ulaakuswitilila mumulimo wakwe. Ulaakusumpulwa, kubikwa peculu alimwi akulumbaishikwa.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Isaya 53:2

Musebenshi wakwe ulya wakakula anga ninsoonseela kumeenso akwe Lesa nabi anga ngumuyanda watuntula mubulongo buyumu. Taakalinga kucitewo bulemu alimwi taakalingawo mubotu cakukonsha kutukwelela kuli nguwe Mbonekelo shakwe teshakalinga kukonsha kutapa myoyo yesu kuya pali nguwe.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Jelemiya 23:5

Mwaami Lesa waamba ayi, “Ciindi cilaakushika ndyeshi nkasale wamulunyungu lwakwe Defedi ululeme kuba mwaami. Mwaami uyo ulaakulela cabusongo akucita shintu shiluleme akoombolosha cakutanyengelela mucishi.

Jelemiya 33:15

Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

Esekelo 12:11

Ubalwiite ayi ncewacita caba citondesho kuli mbabo. Ubalwiite ayi bweenka mbowacita, abalo mbweshi bakacite. Balaakutolwa mushishi sha busha.

Esekelo 12:6

Ushibike pacifushi kabakubwene akushitola ciindi camumuntu ngulya. Ono ukalifwekeleshe kumeenso ayi utakeshibi nkootooya ceebo webo ndaakulengesha kuba cakucenjesheshako mushobo wa bene Isilaeli.”

Esekelo 24:24

Esekelo waba citondesho kuli ndimwe, mulaakucita bweenka mbwaacita. Shintu ishi shaakucitika, ndyeshi mukeshibe ayi nebo ndi Mwaami Lesa.’ ”

Esekelo 34:29

Ndaakubapa cishi cicite bulongo bubotu. Teshi bakakolwewo tubili nsala mucishi nabi kushibulukwaawo kumishobo imwi.

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Sekaliya 6:12

Kuswawaawo umulwiite ayi Mwaami Lesa Shinkusu shoonse waamba ayi, ‘Muntu uyo utokwiitwa ayi Musampi ulaakukomena kabotu pamusena apo mpwaabete akuyakulula Ŋanda ya Mwaami Lesa.

Luka 1:78

Lesa wesu uliswite nkumbu ulaakutupa mumuni uli mbuli wa kumuyamaca.