Sekaliya 2:5 - Baibo Busansulushi Bwa Libuku Ili

⁵ Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Sekaliya 2:5 Iomraidhean Croise

Kulumbaisha 125:2

Bweenka tulundu mbotushingulukite Jelusalemu, mbweeke ubo Mwaami Lesa mbwaashingulukite bantu bakwe sunu tibili amuyayaya.

Kulumbaisha 3:3

Sombi mwebo noBaami baLesa muli liyawo lyangu, mulamfwalika bulemu bwanu, mulanjumyayumya akunsumpula.

Kulumbaisha 46:5

Ncakwiila Lesa mwaali mundabala inene iyo, teshi ikanyonyoolwe. Lesa ulaakwiifuna paciindi cakumuyamaca.

Kulumbaisha 48:12

Nobantu bakwe Lesa amushinguluke ndabala ya Siyoni. Amubelenge maanda alaamfu aliimo.

Kulumbaisha 48:3

Lesa kwiinda mukucanika mukati ka malinga a njiyo, watondesha kwaamba ayi ndabala iyo ilitabilitwe kabotu.

Kulumbaisha 85:9

Ncakwiila Lesa ulilibambite kupulusha bantu bamulemeka, kwaamba ayi bulemu bwakwe bwikale mucishi cesu.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 31:9

Ciyubilo cabo cilaakuwa ceebo ca boowa. Nkondo yaakukalala bamatanjilili babo ba bashilumamba balaakucica.” Mwaami Lesa uyo ucite mulilo muSiyoni, ee, ucite ciiko muJelusalemu waamba.

Isaya 32:18

Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.

Isaya 33:21

Mwaami Lesa ngoShinkusu wesu mundabala iyo. Ilaakuba musena wa milonga inene atulongabo. Sombi maato a balwani teshi akanokwiindaawo, aalo anene eenda palweenge teshi akeendeewo.

Isaya 4:5

Mpeeke Mwaami Lesa ulaakutuma paKalundu ka Siyoni koonse apabantu baliimo likumbi lya bwiishi malumwi acibalankuni ca mulilo mashiku. Peculu lya ndabala yoonse palaakuba bulemu bwa Mwaami Lesa.

Jelemiya 31:39

Lyalo nyinsa ilaakuswa kumbo kuya mukushika akuKalundu ka Galebu kuya mukushinguluka akuGowa.

Esekelo 38:14

Paceebo ceeco, Mwaami Lesa wakantuma kwaambila Gogi ayi, “Mwaami Lesa Shinkusu shoonse waamba ayi, ‘Mubushiku ubo bantu bangu bene Isilaeli baakwikala muluumuno, ulaakunyamuka

Esekelo 42:20

Anu lubumbu lwakalinga kushingulukiteko lwakalinga kucite mamita ali 250 kumbasu shoonse. Lubumbu ulo ndolwakalinga kupansaanya shintu shisalalite ashintubo.

Esekelo 47:3

Lyalo muntu uyo wakalulama kwicwe akupima kalonga ako akasamu kakupimishaako. Wakapima muya kalonga kwa mushinso wa mamita ali 500 akundwiita ayi nsubukile waawo mpwaakeela. Pakusubuka, maanshi akanshika mutupokoso.

Sekaliya 1:16

Paceebo ceeci nebo ndaboola kuJelusalemu mukubonesha nkumbu kundabala yangu. Ŋanda yangu ilaakuyakululwa pantu pomwi andabala yangu. Nebo neMwaami Lesa Shinkusu shoonse ndaamba.’ ”

Sekaliya 2:10

Mwaami Lesa waamba ayi, “Amoolobeshe akusangalala nobene Siyoni ceebo ntoosa mukwikala pakati kanu.”

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Sekaliya 9:8

Sombi ndaakufuna cishi cangu kuswa kumakoto a bashilumamba bakali. Taaku shikulyatilila weshi akakome tubili bantu bangu ceebo ono ntoobalama.”

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.