Sekaliya 2:11 - Baibo Busansulushi Bwa Libuku Ili

¹¹ Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Sekaliya 2:11 Iomraidhean Croise

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Kulonga 12:49

Milawo njemunya iyi njeyeelete kukonkelwa kumwine Isilaeli alimwi amuswamashi woonse ukala pakati kanu.”

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 48:16

“Ono amusene pafwaafwi, munyumfwe nshentokwaamba. Kuswabo kumatalikilo nebo ndaambilabo limwi patuba alimwi lyoonse ndalengesha maswi angu kucitika cancinencine.” Ono Mwaami Lesa Shinkusu shoonse wampa Mushimu wakwe akuntuma.

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jelemiya 50:8

“Amucice, amuswe muBabiloni, ee, amushiye cishi ca bene Babiloni. Amube bataanshi kucica!

Esekelo 33:33

“Shoonse ishi shaakucitika, alimwi ndushinisho shilaakucitika, lyalo balaakwishiba ayi mulaluki walingaawo pakati kabo.”

Mika 4:2

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Sekaliya 1:16

Paceebo ceeci nebo ndaboola kuJelusalemu mukubonesha nkumbu kundabala yangu. Ŋanda yangu ilaakuyakululwa pantu pomwi andabala yangu. Nebo neMwaami Lesa Shinkusu shoonse ndaamba.’ ”

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Sekaliya 3:10

Pabushiku ubo womwi awomwi pakati kanu ulaakutamba mubye kwisa mukwikala munshaashisamu sha minyansa asha nkuyu. Nebo neMwaami Lesa Shinkusu shoonse ndaamba.’ ”

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Joni 17:21

Ntoobapailila kwaamba ayi boonse babe womwi. Ta ababe muli ndiswe, bweenka amwebo mbomuli muli ndime anebo mbombete muli ndimwe. Ababe womwi kwaamba ayi bantu boonse bakashome ayi ndimwe mwakantuma.

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Joni 17:25

Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Milimo ya Batumwi 28:28

Paulo wakatolelela kubaambila ayi, “Mulyeelete kwishiba kwaamba ayi beshikushimikila makani a lupulusho akwe Lesa, batumwa kubaswamashi bakunsengwe ceebo balo balakwaanyumfwa!” [

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”