Sekaliya 11:1 - Baibo Busansulushi Bwa Libuku Ili

¹ Calula minjililo yako webo Lebanoni, kwaamba ayi mulilo utente shisamu shako sha sida.

Sekaliya 11:1 Iomraidhean Croise

Jelemiya 22:23

Mwebo nomushiite muŋanda ya bwaami, nomwikala muŋanda iyakitwe ashisamu sha sida shakaswa kuLebanoni, mulaakutongela mapensho aakumupolela, acisa anga nkunyonwa kwa mwanakashi uyo uli pankata!

Esekelo 31:3

Webo uli anga ncisamu ca sida ca kuLebanoni ico cakalinga kucite misampi ibotu yakalinga kupa cimfule cinene pamusaansa woonse. Cakalinga cilaamfu abuumbi kuya mukushika amumakumbi.

Abakuku 2:17

Mwakatimboola shisamu mumusaansa wa kuLebanoni, ono bulya ndimwe mweshi mukatimboolwe. Mwakacaya banyama ba kuLebanoni, ono bulya banyama balaakumuyoosha. Ishi shilaakucitika ceebo mwakatila bulowa bwa bantu akucita shalunkutwe kushishi shiinji, kumandabala akubantu boonse bakalinga kwikalaamo.

Abakuku 2:8

Mwakasaala shintu sha bamumishobo iinji. Ono abo bakacaalaawo balaakumusaala amwebo mukwiinga mwakatila bulowa bwa bantu baanji alimwi mwakanyonyoola shishi shiinji, mandabala aanji pantu pomwi abantu ba mumo.

Agayi 1:8

Ono bulya kamuyabo mutulundu mukutimbula mapulanga akwisa mukutalika kuyakulula Ŋanda yangu. Lyalo ndaakukondwa muli njiyo akulemekwa bweenka mboonjelete. Nebo neMwaami Lesa ndaamba.

Sekaliya 10:10

Ndaakubaboosha kuswa kuIjipiti akubaboosha kuswa kuAsilya. Ndaakubaleta kuGilyadi akuLebanoni alimwi ncakwiila balaakwaata uko.

Sekaliya 11:2

Amulile cakooloma mwebo noshisamu sha mapaini ceebo shisamu sha sida shamana, ee, shisamu shilemekwa shanyonyoolwa! Ncakwiila mulile cakooloma mwebo nomibanga ya kuBashani, mulile ceebo shisaka shatemwa!

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.