Sekaliya 10:3 - Baibo Busansulushi Bwa Libuku Ili

³ Mwaami Lesa waamba ayi, “Ono ndakalala abuumbi pabeembeshi, ee, ndaakupa mulandu bamatanjilili boonse. Nebo neMwaami Lesa Shinkusu shoonse ndaakunoolama litanga lyangu lya bene Juda. Ncakwiila ndaakubalengesha kuba anga ndiaki lya nkondo licite nkusu abuumbi.

Sekaliya 10:3 Iomraidhean Croise

Jobo 39:25

Na lupeenga ulo lwalilabo, alafoomashika. Bweema bwa nkondo alabunyumfwilabo kaacilibo kulaale alimwi alanyumfwila shitokwaambilisha bamatanjilili ba bashilumamba.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Tushimpi 21:31

Muntu ulakonsha kubamba liaki ayi liye kunkondo, sombi nguMwaami Lesa ulengesha kukoma.

Lwiimbo lwakwe Solomoni 1:9

Oosunikwi wangu, uli anga ndiaki lyanakashi lyaangitwe kucikoci comwi cakwe Falawo mwaami wa bene Ijipiti.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Isaya 24:21

Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.

Jelemiya 10:21

Nebo ndaamba ayi, “Beembeshi tabacite maano. Tabasengi kuMwaami Lesa ayi abatanjilile. Aboobo tabaswitilili ashalo mbelele shabo shakapalangana.

Jelemiya 11:22

Aboobo Mwaami Lesa Shinkusu shoonse wakaamba ayi, “Ndaakubapa mulandu. Bacikula bwangu balaakucaikwa kunkondo. Bana babo basankwa abanakashi ndaakubacaya kunsala.

Jelemiya 25:12

“ ‘Ono myaaka makumi osanwe aobilo yaakwiinda, ndaakupa mulandu mwaami wa bene Babiloni acishi ca Babiloni coonse ceebo ca kubisha kwabo. Ndaakunyonyoola cishi ico ayi cikabe matongo amuyayaya.

Jelemiya 25:34

Amulile mibila akulila buumpute, mwebo nobeembeshi. Amwaalabangane mulusuko, mwebo nobamatanjilili ba litanga ceebo ciindi canu cakucaikwa cashikila. Mulaakuwa akupwayoolwa anga ninongo ibotu.

Jelemiya 50:6

“Bantu bangu balibo anga nimbelele shisowekete. Beembeshi babo bakabasowa akubalengesha kwiingooka mutulundu. Bakalinga kuswa mutulundu akunooya mutulundu cakwaamba ayi bakaluba kumishaabo.

Esekelo 34:11

“ ‘Nebo neMwaami Lesa Shinkusu shoonse ndamulwiita ayi ndaakulilangweeta mbelele shangu akusheembela.

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Esekelo 34:2

“Webo omuntu, Laluka mapensho pabeembeshi ba bene Isilaeli akubalwiita ayi nebo neMwaami Lesa Shinkusu shoonse ndaamba ayi, ‘Mapensho kubeembeshi ba bene Isilaeli abo balilama beene beenka! Sa beembeshi tabeelete kulama litanga?

Danyelo 11:32

Kwiinda mukucenjeeka kwa kwaamba maswi abotu, ulaakuyungoola bantu abo bakasuula kale kupaila kwabo, sombi abo bashoma Lesa wabo balaakumukakila cankusu.

Sefaniya 1:8

Mwaami Lesa waamba ayi, “Pabushiku bwakubenga mulambu wangu Nebo neMwaami Lesa ndaakupa mulandu boonse bacinenenene, banaabaami abaabo boonse bafwete shakufwala sha baswamashi.

Sefaniya 2:7

Cishi ico cilaakuba ca bene Juda abo beshi bakacaaleewo. Balaakunoocana mafulo a mbelele shabo uko. Macolesha na kwashiya balaakunokoona mumaanda a ndabala ya Ashikeloni. Mwaami Lesa, Lesa wabo ulaakunoobalama akubalengesha kuswitilila alimwi.

Sekaliya 11:17

Mapensho kumweembeshi uyo utaaku mbwaabete, ee, mweembeshi uyo ushiya litanga lyakwe. Aboobo nkondo ilaakunyonyoola nkusu shakwe. Lyaansa lyakwe lilaakunyana aliinso lyakwe lyalulyo lilaakupofola.”

Luka 1:68

“Atulumbaishe Mwaami Lesa wa bene Isilaeli mukwiinga wesa mukufwakashisha bantu bakwe akubapulusha.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

Lute 1:6

Kunembo liya Naomi wakanyumfwa ayi bantu bene mishaabo, Lesa wakabapa coolwe kwiinda mukubapa shakulya shiinji. Mpomunyaawo wakalibambila kuboolela pantu pomwi abamalokashi bakwe.