Sekaliya 10:2 - Baibo Busansulushi Bwa Libuku Ili

² Mushibumbwabumbwa taamu lushinisho. Beshikusonda balaba ashili anga nshiloto shabubeshi alimwi balasansulula shiloto shiteshi shalushinisho. Ncakwiila baloombulusha citacite mpindu. Paceebo ceeco bantu baleengailabo anga nimbelele shitacite mweembeshi.

Sekaliya 10:2 Iomraidhean Croise

Matalikilo 31:19

Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi.

1 Baami 22:17

Lyalo Mikaya wakwaamba ayi, “Ntoobona bashilumamba bene Isilaeli bapalangene patulundu anga nimbelele shitacite mweembeshi. Ono Mwaami Lesa waamba ayi, ‘Aba bantu tabacite mutanjilili, amubaleeke baye kumishaabo muluumuno.’ ”

Jobo 13:4

Ono mwebo mutoobotesha makani kwiinda mububeshi. Mwebo noonse mulibo bashiliki batakoonshi kushilika muntu.

Jobo 21:34

Ono mwebo, mutookakatila kuŋumbulusha amaswi abuluya. Taaku ncemutokwaamba apa, sombi mbubeshibo bweenka.”

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Isaya 44:25

Ndime Lesa uyo ulubaanya bulaluki bwa balaluki babeshi akulengesha bamukamwaami kuboneka buluya. Ndime Lesa uyo ukoma lushibo lwa basongo akululengesha kuba buluya.

Isaya 44:9

Anu boonse bapanga shibumbwabumbwa taaku mbobabete ashalo shintu nshibabikaako maano tashicite mpindu. Bantu abo banyamuka akushimikila pali nshisho balitulookite meenso. Ncakwiila kubula lushibo kwabo kwabasebaanya.

Isaya 46:5

Mwaami Lesa waamba ayi, “Anu nebo inga mwanjelanisha abaani? Ngani umwi weenga weelana anebo?

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Jelemiya 14:13

Lyalo nebo ndakaamba ayi, “Nobaami baLesa beShinkusu shoonse, balaluki balabaambila ayi, ‘Teshi mukabonewo nkondo nabi kufwa kunsala. Ncakwiila mulaakupekwabo luumuno mucishi canu.’ ”

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 23:17

Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

Jelemiya 27:10

Balamulalukila shabubeshi isho sheshi shikamulengeshebo kutolwa kulaamfu kuswa mucishi cine mishaanu. Nebo ndaakumutanda, mukaloobe.

Jelemiya 27:14

Mutakutiki shitokwaamba balaluki abo batoomwaambila ayi, ‘Teshi mukasebenselewo mwaami wa bene Babiloni.’ Batoomulalukilabo shabubeshi.

Jelemiya 27:9

Aboobo mutanoonyumfwila balaluki banu, bamukamwaami, beshikupandulula shiloto nabi beshikwaamba amishimu alimwi abaloshi abo bamwaambila ayi, ‘Teshi mukasebenselewo mwaami wa bene Babiloni.’

Jelemiya 28:15

Mpomunyaawo nebo neJelemiya ndakaambila Ananiya mulaluki ulya ayi, “Nyumfwa webo Ananiya! Mwaami Lesa taakwe kukutumaawo, sobwe. Sombi webo walengesha bantu aba kushoma makani abubeshi.

Jelemiya 29:8

Ee, Mwaami Lesa Shinkusu shoonse, Lesa wa bene Isilaeli waamba ayi, ‘Mutasuminishi balaluki nabi bamukamwaami bali pakati kanu kumubeca. Mutakutiki kumaloto abo ayo ngomubayuminisha ayi kababaawo.

Jelemiya 37:19

Ino bali kuli balaluki banu abo bakalinga kumulalukila ayi, ‘Mwaami wa bene Babiloni teshi akamulwaneewo nabi kulwana cishi cino?’

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 51:23

Kwiinda muli ndiwe ndapwayoola beembeshi ambelele shabo, balimi abasune babo, baleli alimwi abacinenenene babo.”

Jelemiya 6:14

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Jelemiya 8:11

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Malilo 2:14

Shili anga nshiloto shakalinga kubona balaluki banu shakalinga shabubeshi shitacite ncito. Ee, bulaluki bwabo tebwakalinga kuyubulula shibiibi shako ayi ukabule kucatwa busha. Ncakwiila bakakulengesha kuyeeya ayi kusanduka kuswa kushibiibi shako taciyandiki.

Esekelo 21:21

Ceebo mwaami wa bene Babiloni ulaakwiimikana papansaanina mikwakwa apo akuuma cisolo kwaamba ayi eshibe mukwakwa ngweshi atole. Ulaakusebensesha mifwi kuuma cisolo ico, ulaakwiipusha shibumbwabumbwa akulangalanga kulini lya mulambu wakabengwa kuli nshisho.

Esekelo 21:29

Nakubi kwaamba ayi kuli shili anga nshiloto shabubeshi shimukumite ashisondo shabubeshi shapali ndimwe, mupeeni ulaakumana kwiinda bamucita shibi panshingo abo beshi bakacaikwe. Bushiku bwabo bwashikila, ciindi cabo cakupekwa mulandu wakweelaako cilibo muliimfwa.

Esekelo 34:5

Aboobo shakapalangana mukwiinga kwakabula mweembeshi. Ono ndishakapalangana shakaba cakulya ca banyama ba muluundu.

Esekelo 34:8

‘Kweelana ambocibete lushinisho ayi nebo neMwaami Lesa Shinkusu shoonse ndi muumi, mbweeke ubo mulyeelete kunyumfwila. Ono ceebo cakwaamba ayi litanga lyangu lyabula mweembeshi, banyama ba muluundu bakacaya mbelele akushilya. Beembeshi bangu tabakwe kuyandoola litanga lyangu, sombi bakalinga kunoolilamabo beene, kuteshi kulama mbelele shangu.’

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Mika 2:12

“Nobamulunyungu lwakwe Jakobo ncakwiila ndaakumuyobolola noonse. Ndaakuyobolola bene Isilaeli bakacaala boonse. Ndaakubabunganya anga nimbelele mucimpati, ee, anga nditanga kumafulo a ndilyo. Musena uyo ulaakwisula bantu.”

Abakuku 2:18

Anu cibumbwabumbwa cilicite mpindunshi? Sa te ncintubo ico muntu ncaakapanga? Taaku nceenga muntu wacanaako kulekabo bubeshi. Ino nimpindunshi uyo wakacipanga njeenga wacanaako mukucinka manungo muli ncico? Amubone, cibumbwabumbwa ico tacikoonshi kwaamba!

Sekaliya 11:17

Mapensho kumweembeshi uyo utaaku mbwaabete, ee, mweembeshi uyo ushiya litanga lyakwe. Aboobo nkondo ilaakunyonyoola nkusu shakwe. Lyaansa lyakwe lilaakunyana aliinso lyakwe lyalulyo lilaakupofola.”

Shakubelenga 27:17

akubalwiita shakucita munkondo kwaamba ayi bantu banu bakabule kuba anga nimbelele shitacite mweembeshi.”

Mateyo 9:36

Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.

Maako 6:34

Jesu ndyaakasubuka, wakabona bantu baanji kababungene. Lyalo wakabanyumfwila nkumbu mukwiinga bakalinga anga nimbelele shitacite mweembeshi. Lyalo wakatalika kubeeisha shintu shiinji.

Dutolonomi 13:2

ayi amulengeshe kunoolambila akusebensela balesa mbomutana kulambilawo kale, nabi na nceenga washomesha kucita cacitika cancinencine,

Boomboloshi 18:14

Mpomunyaawo basankwa bosanwe abo bakalinga mukusensa cishi ca Laishi bakaambila babyaabo ayi, “Sa mulishi kwaamba ayi muŋanda imwi pamaanda aya muli efodi, shibumbwabumbwa shimwi acibumbwabumbwa cakubesa cakananikwa silifa? Ono muleshiba cakucita.”