Sekaliya 1:4 - Baibo Busansulushi Bwa Libuku Ili

⁴ Mutabi anga mbamashali banu bakulukulu. Kalekale balaluki bangu bakabapa maswi angu akubalwiita ayi basanduke kuswa kunshila shabo shibiibi amicito yabo ibiibi. Sombi balo tabakwe kunyumfwa nabi kukonkela maswi angu.

Sekaliya 1:4 Iomraidhean Croise

2 Makani 30:6

Beshinkombe bakanyamuka kweelana ambobakatumwa amwaami alimwi abacinenenene bakwe kuya mucishi coonse ca bene Isilaeli aca bene Juda ankoombe yakwaamba ayi, “Nobene Isilaeli, mwebo nomwakapuluka kuswa mumaansa a bene Silya, amuboole kuMwaami Lesa, Lesa wakwe Abulaamu, Isaki alimwi wakwe Jakobo, alakwe utoobola kuli ndimwe.

2 Makani 30:7

Mutabi anga mbamashali banu bakulukulu abene Isilaelinyinaanu abo batakwe kushomeka kuMwaami Lesa, Lesa wabo. Bukali bwakwe bwakabaselukila kweelana ambomwishi kale noonse.

2 Makani 34:21

“Kamuya mukeepushileko ndime abene Juda boonse kuMwaami Lesa pasheesho shilembetwe mulibuku lya Milawo ili lyacanikwa. Mwaami Lesa ulikalalite abuumbi pali ndiswe mukwiinga bamashali besu bakulukulu tabakwe kukonkela maswi a Mwaami Lesa mukutacita kweelana asheesho shoonse shilembetwe mulibuku ili.”

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Neyemiya 9:16

Sombi balo bamashali besu bakulukulu bakalisumpula akuba beshicimpamya. Bakakaka kunyumfwila milawo yanu.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Neyemiya 9:30

Kwamyaaka iinji mwakalinga kukomenyabo caamba pali mbabo. Mwakalinga kubacenjesha aMushimu wanu kwiinda mubalaluki banu. Sombi balo tebakalinga kumunyumfwila, sobwe. Aboobo mwakabaaba mumaansa a balwani babo.

Kulumbaisha 78:8

Teshi bakabe anga mbamashali babo bakulukulu, abo beshicimpamya alimwi lishalane lyaashu, abo batakalinga kucinkite manungo muli Lesa cakushinisha, ncakwiila batakalinga kucite myoyo ishomeka kuli nguwe.

Isaya 31:6

Ono Lesa waamba ayi, “Nobene Isilaeli mwakambishisha akungashukila. Ono bulya amusandukile kuli ndime.

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Jelemiya 25:8

“Paceebo ceeco Mwaami Lesa Shinkusu shoonse waamba ayi, ‘Ceebo tamukwe kunyumfwa maswi angu,

Jelemiya 26:5

alimwi akunyumfwa maswi a balaluki basebenshi bangu abo mbondakalinga kumutumina ciindi coonse. Mwebo tamukwe kukonkelawo kale nshebakaamba.

Jelemiya 3:12

Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.

Jelemiya 3:14

Mwaami Lesa waamba ayi, “Amupiluke, mwebo nobantu batashomeki ceebo nebo ndime ibaanu. Ndaakusala womwi womwi kuswa mumandabala oonse akusala bobilo bobilo kuswa mushipani shanu shoonse kwaamba ayi nkamubooshe kuKalundu ka Siyoni.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Jelemiya 4:1

Mwaami Lesa utookwaamba ayi, “Nobene Isilaeli, na muli lwakupiluka kuli ndime, amupiluke. Na mukushe shibumbwabumbwa shanu shilensha bunya pameenso angu akutapambuka tubili munshila yangu,

Jelemiya 44:16

“Teshi tunyumfwewo maswi ayo ngowatwaambila muliina lya Mwaami Lesa!

Esekelo 14:6

“Paceebo ceeco ambila mushobo wa bene Isilaeli ayi Mwaami Lesa waamba ayi, ‘Amusanduke kuswa kushibiibi! Amusanduke kuswa kushibumbwabumbwa shanu akufutatila micito yanu yoonse ilensha bunya.

Esekelo 20:18

Lyalo ndakaambila bana babo muluyanga ayi, Mutanookonkela milasho ya bamashali banu bakulukulu nabi kulama milawo yabo nabi kulibisha nobeene mukulambila shibumbwabumbwa shabo.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 33:4

Ono na umwi wanyumfwa, kuswawaawo wabula kubikaako maano, balwani na besa bamucaya, muntu uyo ngayi walicaisha mwiine.

Danyelo 9:6

Tatukwe kunyumfwilawo basebenshi banu balaluki abo bakalinga kwaambila muliina lyanu kubamaami besu, baleli besu, bamashali besu bakulukulu alimwi akubantu boonse ba mucishi cesu.

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Amosi 5:24

Sombi koombolosha kwakutanyengelela kwanu akube anga nkalonga katookunka. Akwalo kululama kwanu kube anga ngumulonga utookunka cakubula kuyuma.

Mika 2:6

Bantu balaŋambila ayi, “Cileke kulaluka, ee, cileke kulaluka pamakani aya. Lesa teshi akatulekelele ayi tusebaane.

Sekaliya 1:3

Sombi ntoomulwiita mwebo ayi, ‘Amusandukile kuli ndime anebo nsandukile kuli ndimwe.

Sekaliya 7:7

Ici ncaakaamba Mwaami Lesa kwiinda mubalaluki bataanshi paciindi ndabala ya Jelusalemu keecite bubile buunji kamuli abantu baanji. Paciindi ico bantu bakalinga kwikala muteeshibo mumandabala akalinga kwiishingulukite, sombi bamwi bakalinga kwikala kuNegefu akutulundu tuniini kumbo.

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.