Osiya 7:9 - Baibo Busansulushi Bwa Libuku Ili

⁹ Tabeshibi ayi kucinka manungo mumishobo iyo kwabamana nkusu. Nshiku sha buumi bwabo shitooya kumeelelesho, sombi balo taaku ancebabwene.

Osiya 7:9 Iomraidhean Croise

2 Baami 13:22

Ono Asayelo mwaami wa bene Silya wakalinga kupensha bene Isilaeli kwaciindi coonse ca bwaami bwakwe Jeowasi.

2 Baami 15:19

Mpeeke Tigilati Pilesa, mwaami wa bene Asilya wakaya ayi alwane bene Isilaeli. Ono Menaemu wakamupa makilogilamu a Silifa ali 34,000 kwaamba ayi amucafweeko kuyumya bwaami bwakwe.

Tushimpi 23:35

Ulaakulyaamboosha ayi, “Sa bakanguma? Ono taapu mpobakancisa. Na ndakoomwa, ndushinisho nshikwe kunyumfwaako. Ino ono ntoobuka lili kwaamba ayi nkacibuleemo alimwi?”

Isaya 1:7

Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.

Isaya 48:8

Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.

Isaya 57:1

Bantu bakwe Lesa abo bashomeka balafwa, nakubi boobo taaku nabi womwi ucibika kumaano. Bantu bashomeka balatolwa, sombi taaku ushiba kwaamba ayi baluleme balatolwa mukufunwa kububi.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Osiya 8:7

“Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.