Osiya 7:16 - Baibo Busansulushi Bwa Libuku Ili

¹⁶ Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”

Osiya 7:16 Iomraidhean Croise

Kulumbaisha 12:3

NoBaami baLesa amuumushe milomo ilumbaisha cakubeca. Amucale milomo iyo yaamba shakulisumpula ayi,

Kulumbaisha 12:4

“Shintu shoonse nshetusuni tulashicanabo kwiinda mumulaka. Tulakonsha kwaamba cili coonse kwakubula utukasha.”

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 17:10

Balwani abo mbantu batacite nkumbu, milomo yabo ilaamba cakulisumpula.

Kulumbaisha 52:2

Lilaya mukwipila ncito webo nkunooyeeyabo shakunyonyoola bamwi. Mulaka wako ulikolete anga nkalesala, ee, ceebo cakubeca lyoonse.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 73:9

Balaamba shintu shibiibi kuli Lesa kwiculu, cishi caba cabo kwiinda mumilaka yabo.

Kulumbaisha 78:37

Tebakalinga kushomeka kuli nguwe, tebakalinga kushomeka kweelana acipangano cakwe.

Kulumbaisha 78:57

Tebakalinga kushomeka mbuli bamashali babo bakulukulu. Tebakalinga kushomeka bweenka mufwi usendeme mbootashomeki.

Isaya 3:8

Ncakwiila ndabala ya Jelusalemu yatenkaana, cishi ca Juda citooya ciwa. Bantu ba mumo balaamba akucita shintu isho Mwaami Lesa shakumulwana. Capatuba balacobola Lesa.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Jelemiya 3:10

Nakubi boobo, Juda mukwabo Isilaeli mwanakashi utashomeki taakwe kwisa kuli ndime camoyo wakwe woonse. Sombi wakesabo cakweena. Nebo neMwaami Lesa ndaamba.”

Jelemiya 42:18

“Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Bweenka bukali bwangu bwiindaawo mbobwakapoomokela pali baabo bakalinga kwikala kuJelusalemu, mbweeke ubo mbweshi bukapoomokele ndimwe mwaakuya kuIjipiti. Lyalo mulaakuba cintu ceelete kushinganwa, kuloondwa, kushibulukwa akusekwa. Cishi cino teshi mukacibonewo tubili.’ ”

Esekelo 23:32

Mwaami Lesa Shinkusu shoonse waamba ayi, “Ulaakunwa munkomeshi yeenka ya munene wako. Nkomeshi iyo njinene alimwi njilaamfu. Ilaakukuletela kushibulukwa akusekwa ceebo ilinyamwite shiinji.

Esekelo 36:20

Koonse uko nkobakalinga kuya pakati ka mishobo imwi, bakasebaanya liina lyangu lisalalite ceebo bantu bakalinga kubaamba ayi, ‘Aba mbobantu ba Mwaami Lesa, nakubi boobo bakatandwa kucishi cakwe.’

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Osiya 11:5

“Bakakaka kusandukila kuli ndime, aboobo balyeelete kuboolela kuIjipiti alimwi bene Asilya balaakunoobalela.

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Osiya 6:4

Sombi Mwaami Lesa waamba ayi, “Nobene Isilaeli anobene Juda anu mwebo inga ndamucitawo buyani? Lusuno lwanu lulibo anga ngushikunku wa macuunsa, ee, anga ngumume uyo ukupuka na lumwi lwabala.

Osiya 7:13

“Mapensho kuli mbabo ceebo bakapambuka kuswa munshila yangu. Kunyonyoolwa kulaakubashikila ceebo bakangashukila. Ndisunishi kubalubula, sombi balo balaamba shabubeshi pali ndime.

Osiya 9:3

Mwebo nobene Isilaeli teshi mukanoocishiite mucishi ca Mwaami Lesa. Mwebo nobene Efuleemu mulaakuboolela kucishi ca Ijipiti mubusha. Mulaakuya mukunoolya shakulya shitasalalite kweelana aMilawo kuAsilya.

Osiya 9:4

Teshi mukanoopawo shipo sha shakunwa kuMwaami Lesa. Ayalo milambu yanu teshi ikanoomusangalashaawo napaceyi. Kuli ndimwe milambu yanu iyo ilaakunoobabo anga ncakulya ca pamalilo. Ncakwiila boonse balyaako balaakulengeshekwa kutanoosalalite kweelana aMilawo. Cakulya canu cilaakunoolibo ca mafumo anu, kuteshi kuletwa amuŊanda ya Mwaami Lesa.

Osiya 9:6

Nabi nobamwi mukacice kunyonyoolwa, bene Ijipiti balaakumubunganya alimwi mulaakufukililwa kuMemfisi ndabala ya mucishi ico. Pabuboni bwanu bwa silifa palaakumena shisonsoonya. Mumisena ya maandaanu mulaakumena myuumfwa.

Malaki 3:13

Mwaami Lesa ulaamba ayi, “Mulaamba shintu shiyoosha pali ndime.” Sombi muleepusha ayi, “Anu nshiinshi nshetwaamba?”

Malaki 3:14

Mwebo mulaamba ayi, “Taaku mbocibete kusebensela Lesa. Anu muli mpindunshi mukucita kuyanda kwakwe nabi kuliswangata ceebo ca sheesho nshetwakacita pameenso a Mwaami Lesa Shinkusu shoonse?

Mateyo 12:36

“Ntoomwaambila ayi pabushiku bwakoomboloshekwa, Lesa ulaakupa mulandu bantu ceebo ca maswi oonse abiibi ngobakaamba.

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Jemusi 3:5

Mbweeke ubo mbocibete amulaka, awalo nguniini abuumbi, sombi ulalisumpula akwaamba shintu shiinji. Amuyeeye kalilo kaniini mbokatenta luundu lunene.

2 Pita 2:8

Muntu ululeme uyu ndyaakalinga kwikalaabo, inshiku shoonse wakalinga kupenshekwa abuumbi mumoyo ceebo ca micito yabo ibiibi njaakalinga kubona akunyumfwa.

Ciyubululo 13:5

Munyama uyu wakasuminishikwa kwaamba maswi akulisumpula akucobola Lesa. Wakasuminishikwa akuba ankusu shakweendelesha kwamyeenshi ili makumi one alimwi ayobilo.