Osiya 3:2 - Baibo Busansulushi Bwa Libuku Ili

² Aboobo ndakamulipilila maali a silifa ali 15 amakilogilamu a bale ali 150.

Osiya 3:2 Iomraidhean Croise

Matalikilo 31:41

Myaaka yoonse makumi obilo mbondakalinga kwikala amwebo ubo. Ndakatola myaaka likumi ayone kusebensela ayi njebe bana banu bobilo, iyi imwi yosanwe awomwi ndakalinga kusebensela mbelele ampongo. Nakubi boobo, mwakapilula malipilo angu mankanda likumi.

Matalikilo 34:12

Amundwiite shipo nshemusuni, alimwi shakweebesha mushifuushe kweelana ambomusuni. Ndaakumupa cili coonse nceshi mukandilile, na musuminishebo ayi mweebe.”

Kulonga 22:17

Sombi na baishi mwanakashi bamukasha kweeba, ulyeelete kulipila baishi maali eelete pakweeba mwanakashi utana kukumanaawo kale amusankwa.

Isaya 5:10

Ceebo muunda wa minyansa ukwana maekele likumi ulaakukushabo malita osanwe aotatwe a waini. Pashangwa malita ali 180 a mbuto, pakutebula nkusushabo malita ali 18 a shili anga ngamaila.”

Esekelo 45:11

Cipimo cakupimishaako shintu shiyumu ico ciitwa ayi efa, cilyeelete kweelana acakupimishaako sha maanshi ico ciitwa ayi bati. Cipimo cakasuminishikwa nceeco ciitwa ayi oma. Cipimo ca oma cilyeelene amaefa ali likumi nabi mabati ali likumi.

Osiya 3:3

Lyalo ndakamulwiita ayi, “Ulyeelete kwikala andime nshiku shiinji cakubula kucita bufuule nabi bulale. Anebo ndaakwikala awebo mbomunya ubo, sombi cakutakumanaawo.”

Bene Lefi 27:16

“Na muntu wabenga cipansha ca muunda wakwe kuli ndime neMwaami Lesa, mweelo ulaakupingulwa kweelana akufula kwa mbuto ishangwaamo. Nkokwaamba ayi pamakilogilamu oonse ali makumi obilo a bale, ndikumi lyomwi lya maali a silifa.

Lute 4:10

Kwiilikaawo apo, Lute mwine Moabu wakalinga muka Maloni mulobe, waba mukaangu. Ici citoolengesha ayi buboni bwa mulobe bunoocili mumaansa a bamuŋanda yakwe. Bamulunyungu lwakwe abalo bananooshiite pakati ka beshikamukowa wakwe, nkokwaamba ayi mundabala umo mweenka Maloni mwaakalinga kwikala. Mwebo muli bakamboni bangu sunu!”

1 Samwelo 18:25

wakakumbula ayi, “Defedi mumulwiite ayi, ‘Mwaami taasuni buboni bwakweebesha bumwi buli boonse, sombibo shikanda sha kunembo kubusankwa sha bene Filisiti bali mwaanda, mukubooshesha cishole balwani bakwe.’ ” Muyeeyo wakwe Saulo wakalinga wakwaamba ayi Defedi akacaikwe kubene Filisiti.