Osiya 13:5 - Baibo Busansulushi Bwa Libuku Ili

⁵ Ndakamulama kabotu muluyanga, ee, mulya mucishi muli lumwi luyoosha.

Osiya 13:5 Iomraidhean Croise

Matalikilo 31:40

Liinji liinji ndakalinga kubalwa lumwi alimwi akwaandwa mpewo mashiku. Tulo nshindakalinga kutubonaawo.

Kulumbaisha 1:6

Ncakwiila Mwaami Lesa ulalama baluleme, sombi bamucita shibi balilulemebo mukunyonyooka.

Kulumbaisha 142:3

Na moyo wangu watyongola, ndimwe mwishi nceenjelete kucita. Munshila moonyinda balwani bangu banteya koose.

Kulumbaisha 31:7

Ndanookondetwe alimwi ndanoosangalete ceebo ca lusuno lwanu lutamaani. Ncakwiila ndimwe mubona mumapensho angu alimwi ndimwe mwishi kupenga kwa moyo wangu.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Kulonga 2:25

Lyalo Lesa wakabona mbuli mbobakalinga kufubitwe bene Isilaeli, mpeeke wakabanyumfwila nkumbu.

Jelemiya 2:2

“Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Osiya 5:3

Ndishishi shicita bene Efuleemu boonse, ee, bene Isilaeli tabakoonshi kunjuba nebo. Bene Efuleemu tabashomeki kuli ndime, ncakwiila bene Isilaeli abo tabasalaliteewo, sobwe.

Osiya 9:10

Mwaami Lesa waamba ayi, “Ndindakacanabo bene Isilaeli, cakaba anga nkucana munyansa utoomena muluyanga. Ndindakabona bamashali babo bakulukulu, cakaba anga nkucana nkuyu shakusoma kucisamu ca nshisho. Sombi ndibakashika kuKalundu ka Baali Peoli, bakatalika kulambila shibumbwabumbwa. Mpeeke bakatalika kunensha bunya anga mbalesa abo beenka mbobakalinga kusuni.

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.

1 Bene Kolinto 8:3

Sombi muntu usuni Lesa ulishibikitwe kuli nguwe.

Bene Galatiya 4:9

Sombi bulya Lesa mulimwishi, nabi ŋambe ayi Lesa ulimwishi, ino ono mutooboola buyani kukwiisha kutacite nkusu alimwi ampindu? Ceebonshi mulisuni kuba basha ba nshisho alimwi?

Dutolonomi 2:7

“Amwiibaluke Mwaami Lesa mbwaamupa coolwe mushintu shoonse nshemwakacita. Wakamulama ndimwakalinga kwiingooka muluyanga ulu lutabwenekete ankolweela. Wakalingaanu myaaka yoonse makumi one alimwi shoonse shakalinga kuyandika, mwakabaasho.

Dutolonomi 32:10

“Wakabacana kabeengooka muluyanga, mucishi ciyoosha mutameeni cintu nabi comwi. Wakabafuna akubalama kabotu bweenka muntu mbwaalama liinso,

Dutolonomi 8:15

Wakamutanjilila muluyanga lunene alimwi luyoosha lulya, muli nsoka shicite buyoka bucaya alimwi antalaŋongo. Mulya taamu maanshi, sombi wakalengesha maanshi kukunka kuswa mulibwe ceebo ca ndimwe.