Osiya 10:8 - Baibo Busansulushi Bwa Libuku Ili

⁸ Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”

Osiya 10:8 Iomraidhean Croise

Matalikilo 3:8

Bushiku bweenka ubo, macolesha, bakanyumfwa Mwaami Lesa kaaendeenda mumuunda, mpeeke bakamuyuba pakati ka shisamu.

1 Baami 13:2

Kukonkela mulawo ngwaakaamba Mwaami Lesa, mulaluki wakanyansha cipaililo ico ayi, “Ocipaililo, ocipaililo, Mwaami Lesa waamba ayi, ‘Kulaakushalwa mwaana uyo weshi akeetwe ayi Josiya mulunyungu lwakwe Defedi. Pali ndiwe ulaakucailawo bapailishi abo basebensela kumisena yakulambililaako ya patulundu akubenga milambu pali ndiwe alimwi ulaakutenta shifuwa sha bantu pali ndiwe.’ ”

1 Baami 13:34

Cibiibi ici kulubasu lwakwe cakaleta kunyonyooka kunene pakati ka bamulunyungu lwakwe.

1 Baami 14:16

Mwaami Lesa ulaakusuula bene Isilaeli boonse mukwiinga wa kubisha kwakwe Jeloboamu uyo wakalengesha bene Isilaeli kubisha.”

2 Baami 23:15

Josiya wakanyonyoola musena wakulambililaako muBetelo uyo wakayaka mwaami Jeloboamu mwanaakwe Nebati uyo wakalengesha bene Isilaeli kubisha. Josiya wakapwaya cipaililo, wapwayoola mabwe a ncico tibili ababo anga ndusuko. Lyalo wakatenta cikoshanyo cakwe Ashela.

2 Makani 31:1

Kusekelela ndikwakamana, bene Isilaeli boonse bakalingaako bakaya kumandabala oonse ene Juda mukumwayulula macinko asalalite akutimboola shikoshanyo shakwe Ashela lesa mwanakashi. Bakanyonyoola misena yoonse yakulambililaako ya patulundu ashipaililo sha mucishi ca Juda coonse, ca Benjameni, ca Efuleemu alimwi aca Manase. Lyalo boonse bakaboolela mwabo mwabo.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 2:21

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 32:13

Amulyuume pashaamba akuungumana ceebo ca cishi ca bantu bangu umo mutooya cimenabo myuumfwa ashisonsoonya. Ncakwiila amulile ceebo ca maanda abeshikusekelela aceebo ca ndabala iyi muli kusangalala.

Isaya 34:13

Mushiyubilo shabo sha nkondo mulaakwisulabo shisamu sha myuumfwa. Mumandabala abo acite malinga mulaakumena tukoloŋonso. Ncakwiila cishi cabo cilaakubabo musena wa bamwaaba akubabo maanda a bamwiina.

Osiya 10:2

Bantu aba bacite myoyo yabubeshi bulya balyeelete kupekwa mulandu kweelana akubisha kwabo. Mwaami Lesa utoomwayoola shipaililo shabo akunyonyoola mabwe asalalite ayo ngobalambila.

Osiya 10:5

Bantu bekala mundabala ya Samaliya baliloondete, alimwi balaakulila ceebo ca cibumbwabumbwa ca mucende mwaana kuBetelo. Bantu balaakulila pantu pomwi abapailishi abo basebensela cibumbwabumbwa ico. Balaakulila caakufuulwa bulemu bwa ncico bwa golodi.

Osiya 10:9

Mwaami Lesa waamba ayi, “Bene Isilaeli tabakwe kucilekaawo kubisha kuswa kuciindi ca Gibiya. Aboobo nkondo ilaakubapolela alimwi balaakukomwa kuGibiya kweenka uko.

Osiya 2:6

“Paceebo ceeco nebo neMwaami Lesa ndaakushinka nshila yabo amyuumfwa. Ee, ndaakuyaka lubumbu kushinka nshila yabo.

Osiya 4:13

Balabenga milambu pansonga sha tulundu akutenta tununkila kabotu patulundu tuniini munshaashisamu shilaamfu shicite matewu aanji mukwiinga shilicite shimfule shibotu. Paceebo ceeco bana banu banakashi balaya cicita bufuule abalo bamalokashi banu balaya cicita bulale.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Osiya 5:8

“Amulishe lupeenga lwa nkondo muGibiya. Ee, amulishe lupeenga lwa lwiica muLama Amucenjeshe bene Beti Afeni bacite ciyobeyobe ca nkondo. Amutanjile kunembo nobene Benjameni, tuye kunkondo.

Osiya 8:5

Cibumbwabumbwa ca mucende mwaana ico cilambila bene Samaliya ndicipatite. Aboobo ndikalalite abuumbi pali mbabo. Anu citooba ciindi cilaamfu buyani bantu aba kabacilambila shibumbwabumbwa?

Osiya 9:6

Nabi nobamwi mukacice kunyonyoolwa, bene Ijipiti balaakumubunganya alimwi mulaakufukililwa kuMemfisi ndabala ya mucishi ico. Pabuboni bwanu bwa silifa palaakumena shisonsoonya. Mumisena ya maandaanu mulaakumena myuumfwa.

Amosi 1:5

Ndaakutyoloola minjililo ya ndabala inene ya Damasikasi. Ndaakunyonyoola mwaami wa muCinyika ca Afeni, ncakwiila uyo ulela mundabala ya Beti Edeni. Bene Silya balaakuya mubusha kuKili. Nebo neMwaami Lesa ndaamba.”

Amosi 3:14

Waamba ayi, “Pabushiku ndaakupa mulandu bene Isilaeli ceebo ca shibiibi shabo, ndaakunyonyoola shipaililo sha bene Betelo. Meeca a mumakonko a cipaililo alaakutimbulwa akulokela panshi.

Amosi 7:9

Misena bamulunyungu lwakwe Isaki njebakalinga kulambililaako ilaakunyonyoolwa. Misena isalalite ya bene Isilaeli, ilaakuba matongo. Ndaakulengesha bulelo bwa mwaami Jeloboamu kumana kunkondo.”

Amosi 8:14

Boonse bashomesha cakulumbila kushibumbwabumbwa shine Samaliya, nabi baamba ayi, ‘Bweenka mbocibete lushinisho ayi lesa wako ondabala ya Dani ngumuumi,’ nabi ayi, ‘Bweenka mbocibete lushinisho ayi lesa wa kuBiyasheba ngumuumi,’ balaakuwa cakutabukaawo, sobwe.”

Mika 1:13

Mwebo nomwikala muLakishi amwaange maaki kushikoci. Ndimwe mwakatola bene Jelusalemu mucibiibi ceebo kubisha kwa bene Isilaeli kwakacanika muli ndimwe.

Mika 1:5

Shoonse ishi shitoocitika ceebo cakubisha kwa bamulunyungu lwakwe Jakobo, nkokwaamba ayi shibiibi sha bene Isilaeli. Ino ngani wakalengesha bamulunyungu lwakwe Jakobo kubisha? Sa te nindabala inene ya Samaliya? Ino ngani wakalengesha bene Juda kulambila shibumbwabumbwa? Sa te nindabala inene ya Jelusalemu?

Naamu 3:11

Awebo ondabala ya Ninife ulaakukolwa. Lyalo ulaakuya mukuyuba akweelesha kucicila balwani bako.

Luka 23:30

Lyalo balaakutalika kwaambila tulundu tunene ayi, ‘Amutuwiite’ alimwi atulundu tuniini ayi, ‘Amutufwekelele.’

Dutolonomi 9:21

Ndakabwesa cintu ca bubi cilya ncemwakalinga mwapanga, ico cakalinga kuboneka anga ngumucende mwaana, akuciwaala mumulilo. Mpeeke ndakacipwayoola akucipela kuba busu. Lyalo ndakawaala busu ubo mukalonga ako kakalinga kukunka kuswa mukalundu.

Ciyubululo 6:16

Bakaambila tulundu alimwi amyaandami ayi, “Amutuwiite kwaamba ayi mutushiseeko kuli wooyo ushiite pacuuna ca bwaami alimwi akubukali bwa Mwanaambelele!

Ciyubululo 9:6

Ono mumyeenshi yosanwe iyi, bantu balaakunooyandoola lufu, sombi teshi bakalucaneewo. Balaakusuna kufwa, sombi lufu lulaakubacica.