Obadiya 1:3 - Baibo Busansulushi Bwa Libuku Ili

³ Kulisumpula kwa myoyo yanu kwamubeca. Mukwiinga mulekala mulilinga lya myaandami, alimwi ŋanda yanu ili peculu, mulaamba mumyoyo yanu ayi, ‘Ngani weenga watuboosha panshi?’

Obadiya 1:3 Iomraidhean Croise

Matalikilo 36:8

Aboobo Esau wakekala mucishi ca tulundu ciitwa ayi Edomu.

2 Baami 14:7

Amasiya wakacaya bashilumamba bene Edomu bali 10,000 muCinyika ca Mwiinyo. Wakaya wabwesa ndabala ya Sela munkondo akwiitumba ayi Jokiteelo, anu abobulya mboyiitwa.

2 Makani 25:11

Lyalo Amasiya wakaliyumyayumya akuya abashilumamba bakwe kuCinyika ca Mwiinyo. Kucinyika uko, bakacaya bene Edomu bali 10,000.

2 Makani 25:12

Bashilumamba bene Juda bakacata busha bene Edomu bamwi bali 10,000 akubatola kukalundu kalaamfu. Mpeeke bakabawaala panshi kwaamba ayi bacaikwe kumabwe ayo akalinga panshi.

Jobo 20:6

Nabi kulisumpula kwakwe kushike kwiculu, cakwaamba ayi amutwi wakwe washika mumakumbi,

Tushimpi 16:18

Kulisumpula kulatola mukunyonyoolwa. Kulyuuma mucaamba kulalengesha muntu kuwa.

Tushimpi 18:12

Muntu na kaatana kuwa ulalisumpula, sombi muntu ulapekwabo bulemu na waliceyesha.

Tushimpi 29:23

Kulisumpula kulalengesha muntu kuwa, sombi kulibombya kulaleta bulemu.

Isaya 16:6

Bene Juda balaamba ayi, “Twakanyumfwa bene Moabu mbobalisumpula. Ncakwiila balalisumpula, kulyuuma mushaamba alimwi mbeshi kanyansho. Ono kulinaamuna kwabo takucite mpindu.”

Jelemiya 21:13

Mwaami Lesa waamba ayi, “Ntoolwana amwebo nobene Jelusalemu, mwebo nomwikala petala lya cinyika ee, mwebo nomwikala peculu lya kalundu ka mabwe akwaamba ayi, ‘Anu ngani weenga watulwana? Anu ngani weenga wakonsha kwinjila mushiyubilo shesu?’

Jelemiya 37:9

Ono nebo neMwaami Lesa ntoomucenjesha ayi, ‘Mutalicenjeeki mukuyeeya ayi bene Babiloni teshi bakese tubili mukwiinga balaakwisa cancinencine.

Jelemiya 48:28

“Mwebo nomwikala mucishi ca Moabu, amuswe mumandabalaanu. Kamuya mwikale mutulundu tulaamfu twa mabwe. Amube anga nimpolobe ipanga ciinswa ca njiyo kumwinjililo wa cimfwengo.

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Jelemiya 49:4

Mwebo nobantu batashomeki, ceebonshi mulalilumbaisha? Mwebo nkusu shanu shamana. Ceebonshi mulicinkite manungo mububoni bwanu akwaamba ayi, ‘Anu ngani weenga watulwana?’

Esekelo 28:16

Kwiinda mumakwebo ako ngowakalinga kucita mucishi coonse, wakaba shilunkutwe alimwi mucita shibi. Paceebo ceeco ndakakutanda kuswa kuKalundu kangu kasalalite. Ncakwiila kelebu wakukutabilila wakakutanda kuswa pakati ka mabwe abekabeka.

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”