Obadiya 1:21 - Baibo Busansulushi Bwa Libuku Ili

²¹ Beshikupulusha balaakutanta pakalundu ka Siyoni ayi bakeendeleshe bamumalundu a Esau. Mpeeke Mwaami Lesa mwiine ulaakuba Mwaami wabo.”

Obadiya 1:21 Iomraidhean Croise

Matalikilo 25:23

Mwaami Lesa wakamwaambila ayi, “Mumala umo uliyumwite mishobo ya bantu yobilo Ulaakutumbuka bantu ba mishobo yobilo bapatene. Mushobo womwi ulaakunoocite nkusu kwiinda umwi, munenebantu ulaakunoosebensela mwanikebantu.”

2 Baami 13:5

Mwaami Lesa wakatuma shikubafuna kwaamba ayi akabafuneeko bene Isilaeli kubene Silya. Lyalo bene Isilaeli bakekala muluumuno mbuli mbobakalinga kwikala kataanshi.

Neyemiya 9:27

Paceebo ceeco mwakabaaba mumaansa a balwani babo abo bakalinga kubalyatilila. Sombi ndibakamulilila mumapensho abo, mwakabakumbula kuswa kwiculu uko nkomubete. Munkumbu shanu mwakabatumina bamatanjilili abo bakabafuna kuswa mumaansa a balwani babo.

Kulumbaisha 102:15

Mishobo yoonse ilaakuloonda liina lya Mwaami Lesa. Bamaami boonse ba pacishi ca panshi balaakumulemeka.

Kulumbaisha 22:28

mukwiinga bweene mbwa Mwaami Lesa, ngoolela pakati ka mishobo yoonse.

Kulumbaisha 22:29

Balisumpula boonse balaakufukama pameenso akwe. Muntu woonse uboola kubulongo, ulaakufukama kunembo lyakwe. Nkokwaamba ayi uyo woonse weenga taalilamini buumi.

Kulumbaisha 47:7

Mukwiinga Lesa nguMwaami wa cishi coonse ca panshi. Ee, amumulumbaishe munyimbo!

Kulumbaisha 67:4

Mishobo yoonse aikondwe akwiimba ceebo cakusangalala mukwiinga muloombolosha bantu cakutanyengelela, akutanjilila mishobo yoonse ya pacishi ca panshi.

Isaya 19:20

Shintu isho shilaakuba shitondesho kwaamba ayi Mwaami Lesa Shinkusu shoonse mwaali muIjipiti. Bushiku baakulyatililwa, na bakalilile Mwaami Lesa ayi abacaafwe, ncakwiila ulaakubatumina weshi akabafuune akubapulusha.

Isaya 24:23

Mweenshi ulaakushiya, alyalo lisuba lilaakucileka kubala ceebo Mwaami Lesa Shinkusu shoonse ngweshi akanoolela paKalundu ka Siyoni muJelusalemu. Ulaakulela cabulemu kunembo lya bamaloba ba bantu umo.

Danyelo 12:3

Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”

Danyelo 2:35

Kuswawaawo nshimbi, bulongo, bulonse, silifa alimwi agolodi shakapwayooka akubabo anga mbuungu pamusena wakulupwitaawo ciindi ca cilimo. Muuwo wakapuupa akutola shoonse kutashiyaawo nabi comwi. Sombi libwe ilyo lyakooma cibumbwabumbwa lyakaba kalundu kanene abuumbi akwisusha cishi coonse ca panshi.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Jowelo 2:32

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa bweenka bwakaamba Mwaami Lesa ayi, ‘Bamwi paKalundu ka Siyoni amundabala ya Jelusalemu, balaakupulushikwa. Nkokwaamba ayi abo mbweshi nkasaale, balaakucaalaawo.’ ”

Mika 4:7

Balema abo ndaakubalengesha kuba bantu bangu. Ncakwiila abo bakakushikwa kumishaabo, ndaakubalengesha kuba mushobo uyumu. Nebo neMwaami Lesa ndaakunoobalela paKalundu ka Siyoni, kuswa bushiku ubo tibili amuyayaya.”

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Mateyo 6:10

Abwise Bweene bwanu, kuyanda kwanu akucitwe panshi pano bweenka mbuli kwiculu.

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Luka 22:30

Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.

1 Timoti 4:16

Cenjela abuumi bwako alimwi akwiisha kwako. Kotolelela kucita shintu ishi ceebo mukucita boobo ulaakulipulusha omwiine alimwi abaabo bakukutika.

Jemusi 5:20

amulabilile kwaamba ayi uyo woonse ukusha mubye munshila shakwe sha shibiibi, ulaakupulusha buumi bwa muntu uyo kuswa mulufu lutamaani akulengesha ayi shibiibi shakwe shiinji shikalekelelwe.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Boomboloshi 2:16

Mpomunyaawo Mwaami Lesa wakabapa boomboloshi abo bakabafuna kubeshikusaala abo.

Boomboloshi 3:9

Lyalo bene Isilaeli ndibakalilila Mwaami Lesa, wakabapa muntu uyo wakabafuna. Wakalinga kwiitwa ayi Otiniyelo mwanaakwe Kenasi mukwabo Kalebu.