Obadiya 1:17 - Baibo Busansulushi Bwa Libuku Ili

¹⁷ Mwaami Lesa waamba ayi, “Sombi pakalundu ka Siyoni, bamwi balaakupulushikwa. Kalaakuba musena usalalite. Bamulunyungu lwakwe Jakobo balaakuboola mucishi ico cakabalasha Lesa.

Obadiya 1:17 Iomraidhean Croise

Kulumbaisha 69:35

Lesa ulaakupulusha Siyoni, akuyakulula mandabala a muJuda. Cishi ico cilaakuba ca bantu bakwe ceebo mbweshi bakekaaleemo.

Isaya 1:27

Mwaami Lesa ulaakulubula Siyoni ceebo ca bululami bwakwe. Ulaakulekelela baabo basanduka kuswa kushibiibi shabo.

Isaya 4:2

Ciindi cilaakushikila Musampi wa Mwaami Lesa ndyeshi ukabote akuba abulemu. Lyalo nsheshi shikanooswa mubulongo bwa cishi ico, shilaakusangalasha akuletela bulemu bene Isilaeli abo beshi bakacaale mboomi.

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 65:9

Ndaakuleta bamulunyungu lwakwe Jakobo, ndaakuleta bamumukowa wakwe Juda abo beshi bakese mukwikala mutulundu twangu. Tulundu twangu uto tulaakuba twa bantu bangu bakasalwa. Ncakwiila basebenshi bangu nkweshi bakekaale uko.

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Jelemiya 44:14

Taaku nabi womwi pabene Juda bakacaala abo bakaya mukwikala kuIjipiti weshi akaloboke nabi kupuluka kwaamba ayi aboolele kucishi ca Juda uko nkobasuni ayi bakaboolele akuya mukwikala. Taaku beshi bakaboolele, sombibo baniini beshi bakacice nkondo.’ ”

Jelemiya 44:28

Sombi baniini pakati kanu balaakuloboka nkondo akuboolela kucishi ca Juda kuswa kuIjipiti. Lyalo baJuda abo beshi bakacaaleewo pabaabo bakesa mukwikala muIjipiti ndyeshi bakeshibe ayi ngamaswi akwe ni alushinisho. Sa ngaangu na ngabo?

Jelemiya 46:28

Ndi amwebo alimwi ndaakumupulusha, Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Esekelo 36:12

Ndaakulengesha bantu, ee, bantu bangu bene Isilaeli kweendaana pali ndimwe. Mwebo mulaakuba cishi cabo. Amwebo teshi mukaalilwewo tubili kupa bana babo shakulya.’

Esekelo 7:16

Boonse abo beshi bakapuluke akuloboka balaakuya kutulundu uko nkweshi bakanoolila buumba anga nimpolobe bamushinyika. Muntu womwi awomwi ulaakunoolila ceebo ca shibiibi shakwe.

Danyelo 7:18

Sombi bantu basalalite bakwe Lesa wa kwiculu Wiindaawo, balaakutambula bulelo ubo bweshi bukabe bwaabo kwalyoonse alyoonse.’

Jowelo 2:32

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa bweenka bwakaamba Mwaami Lesa ayi, ‘Bamwi paKalundu ka Siyoni amundabala ya Jelusalemu, balaakupulushikwa. Nkokwaamba ayi abo mbweshi nkasaale, balaakucaalaawo.’ ”

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Jowelo 3:5

Mwakabwesa silifa agolodi wangu pantu pomwi abuboni bwangu bumwi bwa makwebo akushitola mumaandaanu akulambililaamo.

Amosi 9:8

Nebo, neMwaami Lesa Shinkusu shoonse meenso angu ali pabulelo bushishibiibi bwa bene Isilaeli. Ndaakubunyonyoola kwaamba ayi bulobe pacishi ca panshi. Sombi teshi nkanyonyoole cakumaninina bamulunyungu lwakwe Jakobo. Nebo neMwaami Lesa ndaamba.

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.