Obadiya 1:14 - Baibo Busansulushi Bwa Libuku Ili

¹⁴ Anu temwakalinga kweeletewo kwiimikana pamampambaanwa anshila ayi munoocata baabo bakalinga kuloboka. Abalo abo bakalinga kupuluka, temwakalinga kweelete kubaboosha kubalwani babo, pabushiku ubo ndibakalinga kuungumene.

Obadiya 1:14 Iomraidhean Croise

Matalikilo 35:3

Tutooswaako kuno akuya kuBetelo uko nkweshi nkayakile Lesa cipaililo, uyo wakancafwa muciindi ca makatasho alimwi uyo wakalinga anebo kuli koonse nkondakaya.”

Kulumbaisha 31:8

Amubone, tamukwe kungabaawo mumaansa a balwani bangu, sombi mwakampa lwaanguluko kwaamba ayi nje kuli koonse nkoosuni.

Isaya 16:3

Batokwaambila bene Juda ayi, “Amutulwiiteeko mbweshi tucite. Amutupeeko muyeeyo wakucita. Amutufuneeko bweenka cimfule mbocitontosha ciindi lisuba ndiliba pakati ka mutwi cilimo. Twacicila kokuno ayi mutushiseeko, mutatwaabi kubalwani besu.

Isaya 16:4

Amutusuminishe kwikalaanu swebo sotwacicila kokuno. Amube ciyubilo cesu kuswa kubaabo batooyanda kutunyonyoola.” Shikulyatilila bantu bulaakumweela alimwi kunyonyooka kulaakumana. Ncakwiila shikupensha teshi akabonekeewo tubili mucishi cino.

Isaya 37:3

Isaya bakamulwiita ayi, “Mwaami Esekiya waamba ayi, ‘Sunu mbushiku bwa buumba, mapensho alimwi bwa nsoni. Twaba anga ngumwanakashi usuni kutumbuka, sombi wabula nkusu shakutumbuka.

Jelemiya 30:7

Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”

Amosi 1:6

Mwaami Lesa waamba ayi, “Bene Gasa bakalinga kubisha lyobilo lyobilo, aboobo ndushinisho ndaakubapa mulandu. Bakatola busha mishobo yoonse ya bantu akuya mukuboolisha kubene Edomu.

Amosi 1:9

Mwaami Lesa waamba ayi, “Bene Taya bakalinga kubisha lyobilo lyobilo, aboobo ndushinisho ndaakubapa mulandu. Bakoolisha mishobo ya bantu yoonse mubusha kubene Edomu. Ncakwiila tabakwe kuyeeyawo cipangano cakunyumfwana.

Obadiya 1:12

Temwakalinga kweelete kukondwa ceebo ca mapensho abamakwabanu bene Juda, nabi kusangalala pabushiku ndibakalinga kunyonyoolwa, nabi kulisumpula ceebo cakuungumana kwabo.

Mateyo 22:9

Paceebo ceeco, kamuya mumampambanwa anshila mukatambe bantu bali boonse mbeshi mukacane.’