Naamu 3:18 - Baibo Busansulushi Bwa Libuku Ili

¹⁸ Nobaleli banene ba bene Asilya, Beendeleshi banu bamana kufwa. Ncakwiila bacinenenene banu boonse boonena limwi. Bantu banu bapalanganina mutulundu alimwi taaku weshi akababooshe kumishaabo.

Naamu 3:18 Iomraidhean Croise

1 Baami 22:17

Lyalo Mikaya wakwaamba ayi, “Ntoobona bashilumamba bene Isilaeli bapalangene patulundu anga nimbelele shitacite mweembeshi. Ono Mwaami Lesa waamba ayi, ‘Aba bantu tabacite mutanjilili, amubaleeke baye kumishaabo muluumuno.’ ”

Kulonga 15:16

Boowa alimwi akulibilika shili pali mbabo. Ceebo ca nkusu shanu, noBaami baLesa, balacelemanabo akuloonda abuumbi, kushikila bantu banu beenda akuya bantu abo mbomwakaangulula mubusha.

Isaya 13:14

“Baswamashi bekala muBabiloni balaakucicila kushishi shine mishaabo cakupalangana anga ninsefu shitooloonda bafwimi, nabi anga nimbelele shabula mweembeshi.

Isaya 47:1

Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.

Jelemiya 50:18

Paceebo ceeco nebo neMwaami Lesa Shinkusu shoonse, Lesa wa bene Isilaeli, ndaakupa mulandu mwaami wa bene Babiloni acishi cakwe bweenka mbondakapa mulandu mwaami wa bene Asilya.

Jelemiya 51:39

Ono kabacinyumfwite nsala, ndaakubabambila kusekelela akubalengesha kukolwa cakwaamba ayi bakanoosekabo micelo. Kuswawaawo balaakoona cakutabukawo tubili.

Jelemiya 51:57

Ndaakulengesha bacinenenene abasongo bakwe kukolwa. Ndaakulengesha abeendeleshi, bamatanjilili ba bashilumamba abashilumamba babo kukolwa. Kuswawaawo balaakoona cakutabukaawo. Nebo neMwaami ndaamba. Nebo ndime Mwaami Lesa Shinkusu shoonse.

Ciyubululo 6:15

Mpomunyaawo bamaami ba mucishi ca panshi, beendeleshi, bamatanjilili ba bashilumamba, babile, beshinkusu alimwi abantu bamwi boonse, basha abaangulukite, bakayuba mushimfwengo sha panshi alimwi amumyaandami ya mutulundu.