Naamu 1:5 - Baibo Busansulushi Bwa Libuku Ili

⁵ Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.

Naamu 1:5 Iomraidhean Croise

2 Samwelo 22:8

“Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

Jobo 26:11

Macinko acatilila liculu alatenkaana ceebo ca bukali bwakwe Lesa.

Jobo 9:5

Ngootenkaanya tulundu cakubula kucenjesha alimwi ngoosandamuna tulundu mubukali bwakwe.

Kulumbaisha 104:32

Na walangilisha cishi ca panshi acalo cilatenkaana. Na wakumya tulundu atwalo tulasunta.

Kulumbaisha 114:4

Tulundu tunene twakasotooka mbuli mpongo, tulundu tuniini atwalo twakasotooka mbuli bana ba mbelele.

Kulumbaisha 114:6

Mwebo notulundu tunene ceebonshi mwakasotooka mbuli mpongo? Amwebo notulundu tuniini mwakasotookilanshi mbuli bana ba mbelele?

Kulumbaisha 18:7

Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

Kulumbaisha 18:8

Mumashono akwe mwakalinga kunoosuntabo bwiishi. Amwalo mukanwa lyakwe kamunyakabo mulilo, mulilo uyo ukali anga ngwa makalangasha.

Kulumbaisha 46:6

Bamumishobo imwi baliloondete abuumbi, bweene bomwi abomwi bwatenkaana. Lesa ulalulumabo, lyalo cishi ca panshi cilasunguluka.

Kulumbaisha 68:8

cishi ca panshi cakatenkaana aliculu lyakalosha mfula kunembo lya Lesa wa kuSinayi, Lesa wa bene Isilaeli.

Kulumbaisha 98:7

Lweenge aluwoote pantu pomwi ashintu shoonse shiliimo! Cishi ca panshi aciimbe pantu pomwi aboonse bekala muli ncico.

Kulonga 19:18

Kalundu ka Sinayi koonse kakalinga kuswitebo bwiishi mukwiinga Mwaami Lesa wakaselukila pali nkako mumulilo. Bwiishi bwakalinga kuya mwiculu anga mbwiishi bwa mumunyumbi alimwi kalundu koonse kakatenkaana abuumbi.

Isaya 24:1

Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Isaya 24:20

Cishi citootalantanta anga ngucakolwa, citootenkaana anga nkaanda kucipuupu cinene. Ncakwiila calemenwa shibiibi sha bantu ba muli ncico. Cilaakuwa cakutabukaawo tubili.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Jelemiya 4:24

Ndakalanga kutulundu akubona ayi tutootenkana. Ncakwiila tulundu toonse twakalinga kushanashana.

Esekelo 38:20

Inswi shoonse, bayuni boonse, banyama ba muluundu, tulongolo toonse alimwi abantu boonse bekala mucishi ca panshi shilaakututuma kunembo lyangu. Tulundu tulaakuwa, shicengo sha myaandami shilaakupwayooka alimwi lubumbu lomwi alomwi lulaakuwa.

Jowelo 2:10

Cishi cilatenkaana ndiceenda. Liculu alyalo lilatutuma. Lisuba amweenshi shilaboolabo mbi ashalo nyenyeenshi shilacileka kubala.

Amosi 9:5

Mwaami Lesa, Lesa Shinkusu shoonse, na wakumya cishi, ncakwiila cilatenkaana alimwi boonse bekalaamo baloongumana. Cishi coonse cilaakuyalookabo anga ngamaanshi a muMulonga wa Nailo akuboola panshi anga ngamaanshi a mumulonga wine Ijipiti.

Mika 1:4

Tulundu tutoosunguluka bweenka bucita bukato kumulilo. Tutoopuumukila mushinyika anga ngamaanshi atookunka kuswa pakalundu.

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Sekaliya 4:7

Makatasho ali anga nkalundu kanene alaakushimingana kunembo lyako. Webo ulaakuyakulula Ŋanda yangu. Ono waakushimpika libwe lyakweelaako, bantu balaakoolobesha ayi, Lesa aipe coolwe! Lesa aipe coolwe!’ ”

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Mateyo 27:51

Paciindi ceenka ico, cisani cakalinga kushitilisha muŊanda yakwe Lesa, cakakwaamuka pakati, kuswa peculu apanshi. Cishi cakatenkaana amabwe akapasuka.

Mateyo 28:2

Mpeeke kwakacitika citentanshi cinene ceebo munjelo wa Mwaami wakaseluka kuswa kwiculu wakunkulusha libwe lyakalinga kucuumbwe akwikalaawo.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 6:14

Alyalo liculu lyakashiminganabo anga nimpasa itoofungeelwa. Mpeeke tulundu alimwi ansuumbu shoonse shakakushikwa mumisena ya nshisho.

Boomboloshi 5:5

Tulundu twakatenkaana kunembo lya Mwaami Lesa, Lesa wa kuSinayi, ee kunembo lya Mwaami Lesa, Lesa wa kuIsilaeli.