Naamu 1:4 - Baibo Busansulushi Bwa Libuku Ili

⁴ Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.

Naamu 1:4 Iomraidhean Croise

Matalikilo 8:1

Lesa taakalinga kumulubiteeko Nowa abanyama mbwaakalingaabo mubwaato. Aboobo wakalengesha muuwo kupuupa amaanshi kuya ciyuma.

2 Samwelo 22:16

Panshi lya lweenge pakacaalabo patuba, lwiimbi lwa cishi ca panshi lwakafwekulwa Mwaami Lesa ndyaakakalalila balwani bakwe. Ee, Mwaami Lesa wakababulumina cabukali.

Jobo 38:11

Ndakalulwiita ayi, ‘Unanokweela waawa, kuteendililaawo, sobwe.’ Ndakalulwiita ayi, ‘Apa mpopeelete kweela maaba ako ankusu.’

Kulumbaisha 104:7

Maanshi ayo mwakaakalalila, aalo akacica. Akacica ndyaakanyumfwa liswi lyanu.

Kulumbaisha 106:9

Wakaambila Lweenge Lusalala ayi luyume, mpeeke lwakayuma nta. Wabatanjilila mulweenge ulo pamumpwampwa uyuminite anga muluyanga.

Kulumbaisha 114:3

Lweenge Lusalala ndilwakababona lwakayuma. Awalo Mulonga wa Joodani wakaboola pesule.

Kulumbaisha 114:5

Webo olweenge, ceebonshi wakayuma? Awebo Joodani wakaboolelanshi pesule?

Kulumbaisha 18:16

Ono Mwaami Lesa wakatambika lyaansa kuswa kwiculu akuncata. Wakansubula mulweenge lwa mapensho angu.

Kulumbaisha 74:15

Ndimwe mwakacalula tuntupu atulonga, ndimwe mwakayumya milonga inene ikunka.

Isaya 33:9

Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.

Isaya 42:15

Aboobo ndaakunyonyoola tulundu tunene atuniini akuyumya shintu shoonse shimeneteewo. Milonga ndaakwiisandula kuba nsumbu alimwi akuyumya mashiba.

Isaya 44:27

Ndime neŋambilabo liswi kulweenge ayi, ‘Yuma!’ alwalo lulayuma peenka apo.

Isaya 51:10

Sa te ndimwe mwakayumya lweenge lulaamfu, ee, kuyumya maanshi alaamfu alya? Anu balya bakapanga nshila mulweenge lulaamfu kwaamba ayi balya bakalubulwa basubukile kwitala lya ndulo mbaani?

Esekelo 30:12

Ndaakuyumya Mulonga wa Nailo akuulisha cishi kubantu babiibi. Ndaakusebensesha baswamashi kunyonyoola cishi ashoonse shiliimo. Nebo neMwaami Lesa ndaamba.’

Esekelo 38:20

Inswi shoonse, bayuni boonse, banyama ba muluundu, tulongolo toonse alimwi abantu boonse bekala mucishi ca panshi shilaakututuma kunembo lyangu. Tulundu tulaakuwa, shicengo sha myaandami shilaakupwayooka alimwi lubumbu lomwi alomwi lulaakuwa.

Amosi 1:2

Amosi wakaamba ayi, “Mwaami Lesa utoobuluma kuKalundu ka Siyoni akululuma kundabala inene ya Jelusalemu. Mafulo amana kuyuma. Bwiisu bwa peculu paKalundu ka Kamelo bwayuma.”

Amosi 5:8

Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Mateyo 8:26

Jesu wakabaambila ayi, “Anu mutooloondanshi? Kuceya lushomo ndomucite mwebo nobantu!” Mpomunyaawo wakabuka akukalalila cipuupu amaaba ayi shuumune. Mpeeke kwakaboolabo tontolo.

Joshuwa 3:16

maanshi ayo akeemikana kukunka. Lyalo akalundanabo kulaale mundabala iitwa ayi Adamu, iyo ibambene aSaletani. Maanshi akacileka kukunka kuLweenge lwa Mwiinyo. Paceebo ceeci bantu bakasubuka pafwaafwi andabala ya Jeliko.