Naamu 1:10 - Baibo Busansulushi Bwa Libuku Ili

¹⁰ Balaakucatwa mumyuumfwa akukolwa waini wabo. Balaakutentwabo anga mbwiisu buyumu.

Naamu 1:10 Iomraidhean Croise

2 Samwelo 13:28

Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”

Kulumbaisha 118:12

Bakambunganina anga ninsuki, sombi bakamana calubilo mbuli mulilo wa mabuba. Ncakwiila ndakabanyonyoola kwiinda munkusu sha Mwaami Lesa.

Kulumbaisha 68:2

Bweenka bwiishi mbobuya amuuwo, mbweeke ubo alakwe mbweshi abasukumye. Ee, bweenka bukato mbobusunguluka kumulilo, mbweeke ubo bamucita shibi abanyonyoolwe pameenso akwe Lesa.

Kulonga 15:7

Mubulemu bwa bwaami bwanu, mulawisha balwani banu panshi. Ee bukali bwanu bulanyaka akubatenta anga mbwiisu buyumu.

Kulonga 5:12

Aboobo bantu bakapalanganinamobo muIjipiti kuya ciyandoola bwiisu.

Isaya 27:4

Nebo nshikalaliteewo pamuunda uyo alimwi nimwalinga myuumfwa ashisonsoonya shitoonshinkilisha, naakwiinga ndeelwana akeembe kangu akwiitenta cakumaninina.

Isaya 47:14

“Bantu abo balaakubabo anga mbwiisu butyolookite. Aboobo mulilo ulaakubamana kubatenta. Tabakoonshi akulipulusha kuswa mumulilo utoonyaka. Ncakwiila tabakoonshi kulipulusha kuswa kunkusu sha mulilo. Makalangasha a nguwo teshi akulikasaasha, ee, teshi mulilo wakuya mukwikala pafwaafwi ayi uyote.

Isaya 5:24

Ono aboobo bweenka mile ya bwiisu mboipya cakumaninina ee, bweenka bwiisu buyumu mbobululuma pakupya, mbweeke ubo muyanda wabo ulaakubola. Aalo maluba abo alaakuululuka anga ndusuko ceebo bakaka milawo ya Mwaami Lesa Shinkusu shoonse, ee, ceebo basuula maswi a Usalalite wa bene Isilaeli.

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Isaya 9:18

Bubi bulanyaka anga ngumulilo, ee, mulilo ukonsha kutenta myuumfwa ashisonsoonya. Ncakwiila bulanyaka anga ngumulilo uli muluundu lunene, ee, mulilo usukumya bwiishi buunji.

Jelemiya 51:39

Ono kabacinyumfwite nsala, ndaakubabambila kusekelela akubalengesha kukolwa cakwaamba ayi bakanoosekabo micelo. Kuswawaawo balaakoona cakutabukawo tubili.

Jelemiya 51:57

Ndaakulengesha bacinenenene abasongo bakwe kukolwa. Ndaakulengesha abeendeleshi, bamatanjilili ba bashilumamba abashilumamba babo kukolwa. Kuswawaawo balaakoona cakutabukaawo. Nebo neMwaami ndaamba. Nebo ndime Mwaami Lesa Shinkusu shoonse.

Mika 7:4

Muntu waambwa ayi uli kabotu kwiinda bamwi ulibo anga nshisonsoonya kubica. Alakwe uyo waamba ayi ululeme kwiinda boonse ulibo anga ncisamu ca myuumfwa kubica. Bushiku bwashikila Lesa ndyeshi ape bantu mulandu bweenka mbwaakabacenjesha kwiinda mubeshikulindilila bakwe balaluki. Ubu mbobushiku bwabo bwa cimfulunganya.

Naamu 3:11

Awebo ondabala ya Ninife ulaakukolwa. Lyalo ulaakuya mukuyuba akweelesha kucicila balwani bako.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

1 Samwelo 25:36

Mpeeke Abigelo ndyaakashika kuli Nabali wakacana ulicite kusekelela uko kwakalingabo anga nkwa mwaami. Wakalinga kusamitwe alimwi kaakoletwe abuumbi. Aboobo Abigelo taaku ncaakamulwiita kushikila ndibwakaca.