Mika 1:9 - Baibo Busansulushi Bwa Libuku Ili

⁹ Cilonda ca ndabala inene ya Samaliya tacishilikiki. Ono cishi ca Juda citooyanda kuba acilonda ca mushobo womwi. Ncakwiila cashika apamwinjililo wa bantu bangu, ee, cashika akundabala inene ya Jelusalemu iine.”

Mika 1:9 Iomraidhean Croise

Isaya 3:26

Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.

Isaya 36:1

Mumwaaka walikumi amyaaka yone wa bwaami bwakwe Esekiya, Senakelibu mwaami wa bene Asilya, wakaya mukulwana mandabala anene akalinga kucite malinga a bene Juda akwaakoma.

Isaya 36:2

Lyalo Mwaami wa bene Asilya wakatuma mutanjilili wa bashilumamba pantu pomwi abashilumamba baanji baanji kuswa kuLakishi kuya kuJelusalemu ayi bakaambile mwaami Esekiya ayi alyaabe mumaansa a bene Asilya abo. Mpeeke mutanjilili wa bashilumamba uyo wakeemikana mumukwakwa uyo beshikutunga nsalu mobakalinga kusebensela, pafwaafwi amufolo wakalinga kuleta maanshi kuswa kucishiba ca peculu.

Jelemiya 15:18

Ceebonshi shitoocisa tashitoomana? Ceebonshi cilonda cangu tacitooshilikika? Ceebonshi tashitokooshaawo? Sa mulisuni kunengesha kutyongola anga nkalonga kayuma cilimo?”

Jelemiya 46:11

“Kamuya kuGilyadi mukalete musamu, mwebo nobene Ijipiti Mutoobunjikabo misamu itacite ncito ceebo taaku ceshi cikamushilikeewo, sobwe.

Mika 1:12

Bekala muMaloti batoosalooka mumapensho pakulindila lucafwo ceebo Mwaami Lesa waleta mapensho ayo ashika akumwinjililo wa Jelusalemu.

Mika 6:13

Aboobo ndatalika kumunyonyoola, ee, kumulobya ceebo ca shibiibi shanu.

Naamu 3:19

Taaku musamu wa cilonda cako, ee, cilonda cako tacishilikiki. Boonse banyumfwa makani a kunyonyooka kwako, balakamba mapaka cakusangalala ceebo taaku utana kupengawo kale kulunkutwe lwako.