Matalikilo 49:4 - Baibo Busansulushi Bwa Libuku Ili

⁴ Webo uli anga ngamaanshi aanji atookunka, ono sombi teshi ukabe muntu uyandika kwiinda bamwi boonse, mukwiinga wakakumana akasuwa wangu, akunyansha bulo bwa baiso.

Matalikilo 49:4 Iomraidhean Croise

Matalikilo 35:22

Jakobo ndyaakalinga kwikala mucishi ico, Lubeni wakakumana aBiluya, womwi wa bakasuwa ba baishi. Jakobo wakacinyumfwa cikani ici alimwi wakakalala abuumbi. Jakobo wakalinga kucite baana bali likumi abobilo.

Matalikilo 46:8

Bamuŋanda yakwe Jakobo bakaya kuIjipiti anguwe ngumwanaakwe munenebantu Lubeni

1 Makani 5:1

Aba mbamulunyungu lwakwe Lubeni uyo wakalinga mwanaakwe Jakobo musankwa wakwiiya. Ono ceebo mwaana uyo wakakumana akasuwa wa baishi, wakasowa nkusu sha bunenebantu bwakwe lyalo nkusu isho shakapekwa kubana bakwe Josefu mwanaakwe Isilaeli. Paceebo ceeco taakwe kubelengelwa pamundando wa bamulunyungu lwakwe Jakobo kweelana akushalwa kwakwe.

1 Bene Kolinto 5:1

Ono ntoonyumfwa kwaamba ayi kuli cikololo ciyoosha citoocitika pakati kanu ico bakunsengwe ncebatakoonshi kucita. Citokwaambwa ayi musankwa utokoona abanyina bakamucanaamo.

Dutolonomi 27:20

“ ‘Aashinganishikwe muntu uli woonse uyo usebaanya baishi kwiinda mukukumana abakaabo bamwi.’ “Mpeeke bantu boonse balaakwaamba ayi, ‘Ameni!’

Dutolonomi 33:6

Ono kumukowa wakwe Lubeni, Mose wakaamba ayi, “Mukowa wakwe Lubeni unoociliiwo utaloobi nacibi kwaamba ayi bantu bakwe mbaniinibo.”

Dutolonomi 5:21

“ ‘Utakumbwi mukamwiine camunyono. Utakumbwi camunyono ŋanda ya shikamukobonyoko, muunda wakwe, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.’

2 Pita 2:14

Tabalangibo mwanakashi cakutamukumbwa, balisunibo kucita bufuule lyoonse. Balalengesha bateshi bayumu mulushomo kubisha. Bakeshibila kuyandishisha buboni. Lesa ulaakubapa mulandu!

2 Pita 3:16

Aya ngomakani ngaambaawo mumakalata akwe oonse. Mumakalata akwe muli shintu shimwi shiyumu kunyumfwa. Bantu batacite lushibo alimwi abatana kuyuma mulushomo tabaasansululi kabotu, kweelana ambobacita Malembo akwe Lesa amwi. Mukucita boobo, balalinyonyoola beene.