Matalikilo 49:1 - Baibo Busansulushi Bwa Libuku Ili

¹ Jakobo wakeeta bana bakwe basankwa akwaamba ayi, “Amubungane pano, mulwiite ceshi cikamucitikile kunembo.

Matalikilo 49:1 Iomraidhean Croise

Kulumbaisha 105:15

Wakalinga kubaambila ayi, “Mutaciisi bantu bangu mbondakasala, Muteeleshi kucata balaluki bangu.”

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Isaya 22:14

Mwaami Lesa, ee, Mwaami Lesa Shinkusu shoonse waŋambila ayi, “Cibiibi cabo teshi cikalekelelweewo kushikila bakafwe. Nebo neMwaami Lesa, Lesa Shinkusu shoonse ndaamba.”

Isaya 39:6

‘Ciindi cilaakushikila buboni boonse bwa muŋanda yako ya bwaami, pantu pomwi asheesho bamashali bako bakulukulu nshebakasunga kushikila bushiku bwa sunu. Shoonse shilaakutolwa kucishi ca Babiloni. Ncakwiila taaku ceshi cikacaale.

Isaya 48:14

“Amuyoboloke noonse mwise mukutike! Taaku cibumbwabumbwa cakalalukaawo ayi musankwa ngondakasala inga wesa mukulwana cishi ca Babiloni. Ee, taaku wakalalukaawo ayi musankwa uyo inga wacita nceensuni ayi acite.

Isaya 53:1

Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

Jelemiya 23:20

Bukali bwangu teshi bukamaneewo kushikila bukacite shoonse nsheensuni. Munshiku shitoosa, bantu bangu balaakunyumfwisha cikani ici.

Danyelo 10:1

Mumwaaka watatu wa bwaami bwakwe Sailasi mwaami wa bene Pesha, Danyelo uyo wakalinga kwiitwa ayi Beloteshasa wakayubulwitwa makani kuswa kuli Lesa. Makani ayo akalinga alushinisho alimwi akalinga kwaamba pankondo iyoosha. Makani ayo akesa kuli nguwe mucili anga nciloto.

Danyelo 10:14

Ono ndesa mukukulengesha kunyumfwisha ceshi cikacitike kubene mishaanu kunembo. Ici ncili anga nciloto caamba pashintu sheshi shikacitike kunembo.”

Danyelo 2:47

Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Mika 4:1

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Shakubelenga 24:14

Lyalo Balaamu wakaambila Balaki ayi, “Ono bulya ntooboolela kubene misheesu, sombi kaantana kuya, ntookucenjeshaako pashintu isho bene Isilaeli nsheshi bakacite kubantu bako munshiku shitoosa.”

Luka 2:26

Mushimu Usalashi uyu wakalinga wamuyubulwita kale ayi teshi akafwe kaatana kubona Usalitwe wakwe Lesa.

Milimo ya Batumwi 2:17

‘Lesa wakaamba ayi, Munshiku shamamanino, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bacikula bwangu banu basankwa balaakubona shintu anga muciloto, abalo bamacembele banu basankwa balaakulota shiloto.

Dutolonomi 31:12

Mukabunganye bantu boonse, nkokwaamba ayi basankwa, banakashi, baana alimwi abaswamashi mbomwikalaabo mumandabalaanu, ayi banyumfwe akwiiya kulemeka Mwaami Lesa, Lesa wanu alimwi akukonkela kabotu maswi oonse ali mumilawo iyi.

Dutolonomi 4:30

Mwaakuba mumapensho alimwi shoonse ishi shaakucitika, lyalo mulaakupilukila kuMwaami Lesa, Lesa wanu akumunyumfwila.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

2 Timoti 3:1

Ono shiba kwaamba ayi munshiku shakweelaako kulaakuba shiindi shiloondesha.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

Bene Ebulu 13:1

Amutolelele kusunana mbuli bamukowa.

Ciyubululo 4:1

Kuswawaawo, ndakabona mulyango ucalukite kwiculu. Mpomunyaawo ndakanyumfwa liswi anga ndupeenga, lyeenka ndindakanyumfwa kataanshi. Lyakandwiita ayi, “Kosa kokuno kwiculu, nkuboneshe sheshi shikacitike kuswa sheeshi.”