Matalikilo 47:11 - Baibo Busansulushi Bwa Libuku Ili

¹¹ Mpeeke Josefu wakekalika baishi abamakwabo muIjipiti, akubapa musena kulubasu lwakalinga kwiindaawo kubota mucishi ico. Musena uyo wakalinga kufwaafwi andabala inene ya Lamesesi, bweenka bwakaamba Falawo.

Matalikilo 47:11 Iomraidhean Croise

Matalikilo 46:34

mumwaambile cakushinisha ayi mwakalinga bafubi alimwi mucili bafubi bweenka mbuli bamashali banu bakulukulu. Na mwaambe boobo ndyeshi amusuminishe kwikala mumusena wa Gosheni.” Josefu wakaamba boobo mukwiinga bene Ijipiti tebakalinga kusunene abeembeshi.

Matalikilo 47:27

Bene Isilaeli bakekala mucishi ca Ijipiti mumusena wa Gosheni uko nkobakabilila akuba abaana baanji.

Matalikilo 47:6

cishi ca Ijipiti ncabo. Basuminishe bekale mumusena wa Gosheni, musena wiindaawo kubota mucishi cino. Alimwi na pali basankwa bakonsha kulama shifubwa, ubape bweendeleshi bwa shifubwa shangu.”

Kulonga 1:11

Aboobo bene Ijipiti bakasala beshikubasebensesha kwaamba ayi babapeenshe kwiinda mukusebensa ncito shiyumu. Bene Isilaeli bakayaka mandabala anene obilo aPitomu alimwi aLamesesi kwaamba ayi munoolaminwa shakulya sha mwaami Falawo.

Kulonga 12:37

Kuswawaawo bene Isilaeli bakanyamuka akutalika lweendo lwabo panshi, kuswa ku Lamesesi kuya kuSakoti. Bene Isilaeli basankwa bakalinga mpashi shuulu shili myaanda yosanwe alimwi awomwi, kutabelengelaako banakashi abanike.

Isaya 22:24

“Sombi alimwi bamakwabo abaabo mbweshi akanoolela balaakuba anga ngumukuli unene pali nguwe. Bweenka mipika, mbale shifongomene mboshileleela kunkobeko, mbweeke ubo abalo mbweshi bakanoocatite kuli nguwe!

Shakubelenga 33:3

Anu bene Isilaeli bakaswa mucishi ca Ijipiti pabushiku bwalikumi ashosanwe mumweenshi wakutaanguna mumwaaka, bushiku bwa Pasika bwakwiibaluka kusotokela ndibwakeenda. Bakanyamuka kundabala inene ya Lamusesi cakubula boowa mumeenso a bene Ijipiti,

Joni 10:10

Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.

Joni 10:28

Ndashipa buumi butamaani alimwi teshi shikafweewo. Taaku muntu weenga wanyaya.

Joni 14:2

Muŋanda ya baTa muli misena iinji yakwikalaamo, necatalinga boobo naakwiinga ndamulwiita. Ntooya kuli baTa mukumubambila misena.

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

Joni 17:2

Mukwiinga mwakamupa nkusu shakweendelesha pabantu boonse kwaamba ayi ape buumi butamaani kubaabo boonse mbomwakamupa.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.