Matalikilo 42:21 - Baibo Busansulushi Bwa Libuku Ili

²¹ alimwi bakalifuyafuya ayi, “Ee, tutoopenshekwa ceebo ca ceeco ncetwakacita kumukwabesu Josefu. Twakabona mbwaakalinga mumapensho ndyaakalinga kulila lucafwo, sombi twakayumya myoyo. Mboobulya ono sunu caboola pali ndiswe.”

Matalikilo 42:21 Iomraidhean Croise

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

1 Joni 1:9

Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Milimo ya Batumwi 19:18

Kuswawaawo bashomi baanji bakalinga kwisa akulyaambilila pameenso a bantu shibiibi shoonse nshebakacita.

Luka 16:28

mukwiinga ndicite bamakwesu bosanwe. Aye akabacenjeshe kwaamba ayi abalo batakesi kokuno kumusena wa mapensho.’

Maako 9:48

Umo ‘mwalo mapila eshi kubalya mwaatafwi, awalo mulilo mootashimiki.’

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Jelemiya 34:17

Paceebo ceeco nebo neMwaami Lesa ntokwaamba ayi, “Mwebo tamukwe kunyumfwila maswi angu pakukaka kwaangulula bakwabanu baEbulu. Aboobo ntoomwaangulula ayi mukafwe kunkondo, mwaalu alimwi akunsala. Ndaakumulengesha kulensha bunya kubwaami boonse bwa pacishi ca panshi.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Tushimpi 28:17

Muntu uyo upenshekwa aceebo cakutila bulowa bwa umwi ulaakunoocicacicabo kushikila akafwe, kuteelesha kumufuna.

Tushimpi 21:13

Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.

1 Baami 17:18

Mpomunyaawo mukalubinje uyo wakaambila Elija ayi, “Omuntu wakwe Lesa, nciinshi ncewacitila bobulya? Sa wesa kokuno mukwiibalusha Lesa shibiibi shangu isho nshendakacita akulengesha mwanaangu kufwa?”

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

Boomboloshi 1:7

Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.

Shakubelenga 32:23

Sombi na mubule kucita kweelana ambomwashomesha, ntoomucenjeshaako ayi mulaakubisha kuMwaami Lesa. Ncakwiila nabi kukabe buyani mulaakupekwa mulandu ceebo cakubisha kwanu uko.

Matalikilo 41:9

Mpeeke shikulama waini wa mwaami wakamwaambila ayi, “Ndyeelete kulyaambilila sunu ayi ndalubisha.

Jelemiya 4:18

“Bwikaalo bwanu amicito yanu nsheshamuletela mapensho aya. Mulandu uyu ngwakuliletela nobeene. Mapensho ngomwaliletela alalula abuumbi, ee, cakuyasabo akumyoyo yanu.”

Matalikilo 45:3

Josefu wakaamba ayi, “Ndime Josefu. Sa bata bacili boomi?” Bamakwabo ndibakanyumfwa boobo bakaloonda cakwaalilwa akukumbula.

Matalikilo 50:15

Ono ingayi baishiwabo bafwe, bamakwabo Josefu bakaamba ayi, “Ino na kakuli kwaamba ayi Josefu ucitucitile mfundilishi, alimwi na utoyeeya kutubooshesha cishole pabubi boonse mbotwakacita pali nguwe, inga twacita buyani?”

Matalikilo 44:16

Juda wakakumbula ayi, “Anu inga twaambanshi nkambo? Anu inga twapikisha amaanonshi? Anu inga twatondesha buyani ayi tatucite mulandu? Lesa wayubulula mulandu wesu, bulya swebo soonse tuli basha banu kuteshibo wooyo wacaninwa nkomeshi.”