Matalikilo 41:1 - Baibo Busansulushi Bwa Libuku Ili

¹ Ndipakeenda myaaka yobilo, Falawo mwaami wa Ijipiti wakalota kaaimfwi munshaaMulonga wa Nailo,

Matalikilo 41:1 Iomraidhean Croise

Matalikilo 20:3

Bumwi bushiku mashiku Lesa wakaboneka kuli nguwe muciloto akwaamba ayi “Utoofwa mukwiinga wabwesa mwanakashi uyu weebetwe kale.”

Matalikilo 28:12

Mpeeke wakalota nshila ya matantilo yakalinga kuswa panshi kushika akwiculu, alimwi abaanjelo bakalinga kutanta bamwi kabaseluka pali njiyo.

Matalikilo 29:14

Labani wakaamba ayi, “Ee ncakwiila, uli bulowa bwangu.” Jakobo wakekalaako uko mweenshi wakabumbulu.

Matalikilo 31:21

Wakabwesa shintu shakwe shoonse akunyamuka calubilolubilo. Wakasotoka Mulonga wa Yufuletisi akululama kuGilyadi, cishi ca tulundu.

Matalikilo 40:23

Nacibi boobo shikulama waini uyo taakwe kumwibalukaawo Josefu. Wakamulubililaakobo.

Matalikilo 40:5

Mashiku amwi kabali muntolongo umo, shikulama waini amunene wa beshikupanga shinkwa boonse bakaba ashiloto isho shakalinga kucite bupandulushi bupusene.

Matalikilo 41:2

ndyaakabona ŋombe shili shosanwe ashobilo shiinite alimwi shiteshimite shakaswa mumulonga akutalika kulya bwiisu.

Esita 6:1

Ono mashiku eenka ayo, mwaami taakwe koonaawo. Aboobo wakaambila bantu ayi bamuletele libuku lya makani a bwaami bwakwe akumubelengela.

Kulonga 1:22

Kuswawaawo mwaami Falawo wakapa bantu ba mucishi cakwe boonse mulawo wakwaamba ayi, “Mwaana musankwa washalwa woonse wa bene Ebulu mulyeelete kuya mukumuwaala muMulonga wa Nailo. Sombi baana banakashi nkubalekabo ayi bakule.”

Kulonga 4:9

Ono na bakabule kukushoma waakumana kucita shaankamiko shobilo ishi, akukaka kukunyumfwila, ukatekule maanshi muMulonga wa Nailo akwaatila panshi. Maanshi ayo, alaakwaaluka bulowa.”

Isaya 19:5

Mulonga wa Nailo ulaakuyuminina, ee, mwiinda maanshi mulaakuyumabo nta.

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Esekelo 29:9

Cishi ca Ijipiti cilaakunyonyooka akuba luyanga. Lyalo ndyeshi bakeshibe ayi nebo ndi Mwaami Lesa. “ ‘Mukwiinga wakalinga kwaamba ayi Mulonga wa Nailo ngwaako alimwi ayi ndiwe wakoopanga omwiine,

Mateyo 27:19

Pilato ndyaakalinga kushiite pacuuna cakoombolosheshaawo, mukaakwe wakatumya maswi akwaamba ayi, “Mutaciti cintu nabi comwi pamuntu uyo utacite mulandu ceebo sunu mashiku ndapenshekwa abuumbi muciloto ceebo ca nguwe.”

Dutolonomi 11:10

Cishi ncemutooya mukwikalaamo tacibete mbuli ca Ijipiti umo mumwakalinga kwikala kataanshi. MuIjipiti mwakalinga kucita na mwashanga mbuto, mwakalinga kusebensa cankusu kutilila myuunda.