Matalikilo 34:3 - Baibo Busansulushi Bwa Libuku Ili

³ Mpeeke wakamukonda abuumbi mwanakashi uyo, aboobo wakeelesha kumunyengelela.

Matalikilo 34:3 Iomraidhean Croise

Matalikilo 34:2

Ono Shekemu mwanaakwe Amo mwine Ifi, uyo wakalinga mwaami wa musena uyo ndyaakamubona, wakamucata akukumanaakwe.

Matalikilo 34:4

Wakaambila baishi ayi, “Ndisuni kwaamba ayi munjebele mwanakashi uyu.”

Matalikilo 50:21

Taaku ncemweelete kuloonda. Ndanoomulama pantu pomwi abana banu.” Mpeeke wakabakalika myoyo amaswi ankumbu ayo akabeensha misusu.

2 Samwelo 19:7

Ono bulya amunyamuke muye muyumyeyumye bashilumamba banu, mukwiinga na mubule kucita boobo, ndalumbila muliina lya Mwaami Lesa ayi kushika mashiku aya taaku nabi womwi pakati kabo eshi acaale kulubasu lwanu. Nkokwaamba ayi pashinkunka shoonse nshemwakeendaamo kuswa kubwanike bwanu, ici cilaakwiindaawo kubica.”

2 Makani 30:22

Esekiya wakaamba maswi akuyumyayumya bene Lefi boonse abo bakaboneka ayi balicite lushibo lwiindaawo lwa mulimo wabo kuMwaami Lesa. Kwanshiku shosanwe ashobilo bakalinga kulya shipansha shabo akubenga milambu ya bwanabwankashi alimwi akulumbaisha Mwaami Lesa, Lesa wa bamashali babo bakulukulu.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Osiya 2:14

“Paceebo ceeco ndaakubatola muluyanga alimwi. Umo ndaakubanyengelela amaswi abotu a lusuno kwaamba ayi mbabooshe kumubili.

Osiya 2:16

“Paciindi ico balaakunoonjita ayi beebaangu, teshi bakanjitewo tubili ayi baBaali bangu. Nebo neMwaami Lesa ndaamba.

Boomboloshi 19:3

Mpeeke mwine Lefi uyo wakanyamuka wamukonkela kwaamba ayi amukombelele akumuboosha kumishaabo. Wakaya amusebenshi wakwe alimwi ambongolo shobilo. Ono ndyaakashika kulya, mwanakashi uyo wakamwinjisha muŋanda. Abalo bapongoshi bakwe bakamutambula camaansa obilo.

Lute 1:14

Mpeeke bakatalika kulila cakooloma alimwi. Mpomunyaawo Opa wakalasha bapongoshi bakwe banakashi kwiinda mukubafyonta akuboolela kumishaabo. Sombi Lute wakakakatila.

1 Samwelo 18:1

Saulo wakamanisha kubandika aDefedi. Kuswawaawo Jonasani mwanaakwe Saulo wakanyumfwana aDefedi akumusuna bweenka mbwaakalinga kulisuni mwiine.