Matalikilo 32:10 - Baibo Busansulushi Bwa Libuku Ili

¹⁰ Nebo nsheeleteewo ankuumbu shoonse nshimwakabaasho akushomeka nkomwantondesha nemusebenshi wanu. Ndakasubuka mulonga wa Joodani kaantaciteewo kantu nakaceyi sombibo nkoli, ono ndapiluka amakoto obilo aya.

Matalikilo 32:10 Iomraidhean Croise

Matalikilo 18:27

Abulaamu wakabooshaawo alimwi ayi, “NoBaami baLesa, ndaseenga mundekelele kutolelela kwaamba amwebo. Nebo ndibo anga ndusuko nabi milota alimwi nshicite nkusu shakwaamba cili coonse.

Matalikilo 24:12

Mpeeke wakapaila ayi, “NoBaami baLesa, baLesa ba baami bangu baAbulaamu, amunengeshe kukonsha kucita ncendeendela sunu akucita kweelana ambomwakashomesha baami bangu.

Matalikilo 24:27

Lyalo wakaamba ayi, “Aalumbwe Mwaami Lesa, Lesa wa baami bangu baAbulaamu, abo bashomeka akucita kweelana ambobakabashomesha. Mwaami Lesa wantanjilila akundulika kubeshikamukowa ba baami bangu.”

Matalikilo 28:13

Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

Matalikilo 30:43

Munshila iyi Jakobo wakabila abuumbi. Wakaba ambelele ampongo shiinji, basha baanji basankwa abanakashi, ngamela alimwi ambongolo shiinji.

Matalikilo 31:3

Lyalo Mwaami Lesa wakamwaambila ayi, “Koya kucishi ca bamashali bako bakulukulu, kubeshikamukowa bako. Nebo ndanooli awebo.”

Matalikilo 32:5

Ndicite ŋombe, mbongolo, mbelele, mpongo alimwi abasha basankwa abanakashi. Ono nkambo, ndatuma maswi mukulangila kwaamba ayi inga ndacana kulekelelwa.”

Matalikilo 32:7

Jakobo wakaloonda akulisukama. Bantu mbwaakalingaabo wakabapansaanya mumakoto obilo pantu pomwi ambelele, mpongo, ŋombe alimwi angamela shakwe.

2 Samwelo 17:24

Abusalomu abasankwa bakwe bene Isilaeli ndibakalinga kusubuka Mulonga wa Joodani, Defedi kaashikite kundabala ya Maanaimu.

2 Samwelo 7:18

Mpomunyaawo Defedi wakenjila muTente lya Cipangano, waya wekala kunembo lya Mwaami Lesa akupaila ayi, “Anu nebo noBaami baLesa noBeshinkusu shoonse ndime ni? Abalo bamuŋanda yangu mbaani pameenso anu cakwaamba ayi inga mwanshisha mpoombete sunu?

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Jobo 8:7

Buboni bwako boonse bulya bwakanyonyooka bulaakuceya ceebo Lesa ulaakukupa buboni buunji munshiku shitoosa.

Kulumbaisha 16:2

Nebo ndakaambila Mwaami Lesa ayi, “Ndimwe Baami baLesa, baLesa bangu. Shibotu shoonse nsheencite shilaswa kuli ndimwe.”

Kulumbaisha 18:35

Nobaami baLesa, mwakampa lupulusho lwanu anga ndiyawo alimwi lucafwo lwanu lwanengesha kuba muntu wa bulemu.

Kulumbaisha 61:7

Kaalelabo lyoonse pameenso anu nobaLesa. Amumufuune kwiinda mulusuno lutamaani alimwi akushomeka kwanu.

Kulumbaisha 8:5

Mwakamuceesha kwiindabo ndimwe nobeene, sombi mwakamupa bulemu buunji abwaami.

Kulumbaisha 84:7

Nkusu shabo shilaya cifulilaako ndibaya ceenda, tibili bakabonekele pameenso akwe Lesa wa balesa boonse muSiyoni.

Kulumbaisha 85:10

Lusuno akushomeka shilakumana, bululami aluumuno shilakumbatana.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Luka 17:10

Bweenka ubo amwebo mbocibete. Na mwacita nshemwakaambilwa, mulyeelete kwaamba ayi, ‘Tuli basebenshi bateelete kulumbwa mukwiinga twacitabo mulimo wesu!’ ”

Luka 5:8

Ndyaakabona boobo, Simoni Pita wakafukama kunembo lyakwe Jesu akwaamba ayi, “Amunshiiye Nkambo, mukwiinga ndimucita shibi!”

2 Bene Kolinto 12:11

Ono ntoocita anga ngumuntu muluya! Sombi ndimwe mwanengesha kuba boobo. Mwebo ndimwe mwakalinga kweelete kunumbaisha ceebo nakubi kwaamba ayi taaku mboombete, sombi abo mbomwaamba ayi, “Batumwi beendaawo,” tabanyindiiwo.

Dutolonomi 8:18

Amwiibaluke kwaamba ayi nguMwaami Lesa, Lesa wanu uyo umupa nkusu shakuba abuboni ubo. Ulacita boobo ceebo kushikila asunu ucishomeka kweelana acipangano ncaakashomesha cakulumbila kubamashali banu bakulukulu.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”