Matalikilo 3:5 - Baibo Busansulushi Bwa Libuku Ili

⁵ Lesa ulishi kwaamba ayi na mwalyaako, meenso anu inga acaluka, alimwi ayi inga mwaba mbuli nguwe mukwishiba shibotu ashibiibi.”

Matalikilo 3:5 Iomraidhean Croise

Matalikilo 2:17

sombi kutalya shisepo sha cisamu cipa lushibo lwa bubotu abubi. Mukwiinga waakulyabo, ncakwiila ulaakufwa.”

Matalikilo 2:9

Mpeeke wakalengesha ayi mumene shisamu shibotu akucata shisepo shibotu. Sombi pakati ka muunda pakalinga kwiimfwi cisamu cipa buumi, acisamu cipa lushibo lwa bubotu abubi.

Matalikilo 3:10

Alakwe wakakumbula ayi, “Ndamunyumfwa kamweendeenda mumuunda. Ono ndaloonda akuyuba ceebo ndimatakosha.”

Matalikilo 3:22

Lyalo Mwaami Lesa wakaamba ayi, “Ono muntu waba bweenka mbuli ndiswe, washiba bubotu abubi. Teelete kusuminishikwa kuyapa akulya cisepo ciswa kucisamu cipa buumi, kwaamba ayi anoolibo muumi lyoonse.”

Matalikilo 3:7

Ingayi bamanebo kulya, meenso abo akacaluka akubona ayi bali matakosha. Aboobo bakatunga matewu a mukuyu kwaamba ayi bafweke mibili yabo.

1 Baami 22:6

Mpeeke Aabu wakeeta balaluki bakalinga mpashi myaanda yone akubeepusha ayi, “Sa nje nkalwaane ndabala ya Lamoti nabi na sobwe?” Balaluki bakakumbula ayi, “Kamuya mukalwaane. Mwaami Lesa utoomucafwa kwaamba ayi mukome.”

2 Makani 32:15

Ono mutaleeki Esekiya kwaamba ayi amubeece akumucenjeeka munshila iyi. Mutasumini nshaatokwaamba mukwiinga taaku lesa wa cishi cili coonse nabi bulelo buli buyani wakakonsha kupulusha bantu bakwe kuswa mumaansaangu nabi mumaansa a bamashali bangu bakulukulu. Anu ncakwiila lesa wanu uyo taakoonshi kumupulusha!’ ”

Kulumbaisha 12:4

“Shintu shoonse nshetusuni tulashicanabo kwiinda mumulaka. Tulakonsha kwaamba cili coonse kwakubula utukasha.”

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Kulonga 5:2

Lyalo Falawo wakabeepusha ayi, “Ino Mwaami Lesa uyo ngweshi nyumfwile akuleka bene Isilaeli ayi banooya ngani? Mwaami Lesa uyo nshimwishiiwo, alimwi bene Isilaeli teshi mbalekeewo.”

Isaya 14:14

Ndaakutanta peculu lya makumbi akuba anga nguLesa wa kwiculu Wiindaawo.’

Esekelo 13:22

“Mwebo mwakalengesha bantu baluleme kutyongola ceebo ca bubeshi bwanu nabi nebo nshina kubaletelawo mapensho. Mwakayuminisha bamucita shibi ayi bataswi kunshila shabo shibiibi mukupulusha buumi bwabo.

Esekelo 28:12

“Webo omuntu, imba lwiimbo lwa buumba pamwaami wa Taya umwaambile ayi nebo neMwaami Lesa Shinkusu shoonse ndaamba ayi, ‘Wakalinga citondesho ca bubotu bwancinencine, kooswite busongo alimwi akuboneka kabotu.

Esekelo 28:2

“Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Esekelo 28:9

Sa ulaakunoocaamba ayi uli lesa pameenso abeshikukucaya? Ulaakunooli muntubo, kuteshi lesa mumaansa a baabo beshi bakakucaaye.

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Danyelo 6:7

Bacinenenene bamwi, beendeleshi boonse, beshikupandaako maano abacinenenene bamwi boonse basumina kwaamba ayi mwebo nobaami mupange mulawo wakwaamba ayi, ‘Kuswa sunu kushikila bushiku bwamakumi otatwe, muntu uli woonse uyo weshi akacanike kaapaila kuli lesa umwi nabi kumuntu umwi, kulekabo ndimwe nobaami, ulaakuwaalwa mucilindi ca nkalamu.’

Mateyo 6:23

Sombi na meenso anu katabete kabotu, nkokwaamba ayi mubili woonse ulaba mumunshinshe. Ono na mumuni waba munshinshe, ingayi munshinshe uyo ulaakubabo mbi!

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 13:4

Bantu boonse bakalambila shinshimwe uyo mukwiinga wakapa munyama uyo nkusu shakwe. Alakwe munyama bakamulambila, kabaamba ayi, “Ngani uli anga ngumunyama uyu? Ngani weenga walwanaakwe?”

Boomboloshi 3:2

Mwaami Lesa wakalinga kusuni kwiisha bamulunyungu lwa bene Isilaeli boonse kulwana nkondo, bunene bunene abo batana kulwanawo kale.