Matalikilo 28:4 - Baibo Busansulushi Bwa Libuku Ili

⁴ Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”

Matalikilo 28:4 Iomraidhean Croise

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Matalikilo 15:8

Sombi Abulamu wakeepusha ayi, “NoBaami Beshinkusu shoonse, ino inga ndeshiba buyani ayi ncaangu?”

Matalikilo 27:33

Lyalo Isaki wakatalika kututuma abuumbi. Mpeeke wakeepusha ayi, “Ono ngani wacaya nyama muluundu akwiileta kuli ndime? Ndiwapola apa ndindamanishabo kwiilya. Ndamupa coolwe cangu cakweelaako alimwi ncakwiila unanoolibo aco lyoonse alyoonse.”

Matalikilo 37:1

Jakobo wakatolelela kwikala mucishi ca Kenani umo mwakalinga kwikala baishi.

1 Makani 29:15

NoBaami baLesa mulishi kwaamba ayi mubuumi tuli anga mbeensu beendilite bweenka mbocakaba kubamashali besu bakulukulu. Inshiku shesu shili anga nshimfule shitokweenda alimwi lufu tatukoonshi kuluyuba.

Kulumbaisha 39:12

Amunyumfwe mupailo wangu noBaami baLesa, amukutike kusenga lucafwo kwangu. Mutapuululi kukulila kwangu, mukwiinga ndi mweensu bweenka mbuli bamashali besu bakulukulu.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Kulonga 6:4

Alimwi ndakapanganaabo ayi ndaakubapa cishi ca Kenani, umo mobakalinga kwikala anga mbaswamashi.

Bene Galatiya 3:14

Klistu wakacita boobo kwaamba ayi coolwe Lesa ncaakashomesha Abulaamu cipekwe akubaswamashi bakunsengwe boonse kwiinda muli nguwe. Ncakwiila akwaamba ayi kwiinda mulushomo tukatambule Mushimu Usalashi ngwaakashomesha Lesa.

Bene Galatiya 3:8

Lesa wakaambila limwi muMalembo akwe ayi ulaakululamika baswamashi bakunsengwe kwiinda mulushomo lwabo. Anu Lesa wakashimikila limwi Makani Abotu kuli Abulaamu kwiinda muMalembo akwe ayi, “Muli ndiwe, Lesa ulaakupa coolwe kumishobo yoonse ya bantu.”

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.