Matalikilo 23:2 - Baibo Busansulushi Bwa Libuku Ili

² Wakafwita muEbuloni mucishi ca Kenani, lyalo Abulaamu wakaya mukumulila abuumbi.

Matalikilo 23:2 Iomraidhean Croise

Matalikilo 13:18

Mpeeke Abulamu wakalonga akuyaka misumba yakwe pafwaafwi amibanga ya kuMamule muEbuloni. Uko nkwaakayakila Mwaami Lesa cipaililo.

Matalikilo 23:1

Saala wakekala myaaka ili 127.

Matalikilo 23:19

Lyalo Abulaamu wakabika mukaakwe mulobe mucimfwengo ico mucishi ca Kenani.

Matalikilo 24:67

Mpeeke Isaki wakenjisha Labeka mutente yakalinga koonaamo Saala, banyina, lyalo wakamweeba. Isaki wakalinga kumusuni Labeka abuumbi, aboobo wakacileka kuyeeya banyina bakafwa.

Matalikilo 27:41

Esau wakapata Jakobo ceebo baishi bakapa nguwe coolwe. Wakayeeya ayi, “Bata bali pafwaafwi kufwa, ono na cikeende cililo, Jakobo ndaakumucaya.”

Matalikilo 35:27

Mpeeke Jakobo wakaya kuli baishi baIsaki kuMamule, pafwaafwi aEbuloni, uko Abulaamu aIsaki nkobakekala.

Matalikilo 37:14

Baishi bakaamba ayi, “Koya ukabone na bamakwanu bali kabotu alimwi mbelele ampongo na shili kabotu. Lyalo ukese ukandwiite.” Mpeeke baishi bakamutuma kuswa mucinyika ca Ebuloni. Josefu wakashika kuShekemu

Matalikilo 50:1

Josefu wakaliwaala pamubili pali baishi kaalila akufyonta ciwa cabo.

Matalikilo 50:10

Ndyebakashika palubansa lwakulupwitaawo paAtadi kwicwe lya Joodani, bakalilisha kwa ciindi cilaamfu, alimwi Josefu wakaba acililo kwanshiku shosanwe ashobilo uko.

2 Samwelo 1:12

Bakalila cakooloma akulikasha kulya kushikila macolesha ceebo ca lufu lwakwe Saulo aJonasani mwanaakwe alimwi alikoto lya bashilumamba ba Mwaami Lesa pantu pomwi amushobo wa bene Isilaeli. Bakacita boobo mukwiinga baanji bakacaikwa kunkondo.

2 Samwelo 1:17

Mpeeke Defedi wakeemba lwiimbo ulu lwakulila Saulo aJonasani mwanaakwe,

2 Samwelo 2:11

Defedi wakalela bene Juda kwa myaaka yosanwe ayobilo alimwi amusa kaali mundabala ya Ebuloni.

2 Samwelo 5:3

Mpeeke bamaloba boonse bene Isilaeli ndibakashika kuli Defedi kuEbuloni, Defedi wakapanga cipangano ambabo uko pameenso aMwaami Lesa. Lyalo bakamunanika mafuta ayi abe mwaami wa bene Isilaeli.

2 Samwelo 5:5

Mundabala ya Ebuloni, wakalela bene Juda kwamyaaka yosanwe ayobilo alimwi amusa wa mwaaka. MuJelusalemu wakalela bene Isilaeli boonse pantu pomwi abene Juda kwamyaaka ili makumi otatwe amyaaka yotatwe.

1 Makani 6:57

Nkokwaamba ayi bamulunyungu lwakwe Aloni bakapekwa Ebuloni, ndabala inene yakulobokelaako na muntu wacaya mubye mumapuso, kubikaawo andabala ya Libina, Jatiya, Eshitemowa,

2 Makani 35:25

Mpomunyaawo Jelemiya mulaluki wakapanga lwiimbo lwakulila mwaami Josiya. Bulya cakashibila beshikwiimba mucishi ca Isilaeli, basankwa abanakashi, kwiimba lwiimbo ulo ciindi coonse ndibamulila. Lwiimbo ulo lulacanika mumabuku anyimbo sha malila.

Neyemiya 11:25

Bantu baanji bakalinga kwikala mumandabala akalinga pafwaafwi amyuunda yabo. Bene Juda bakalinga kwikala kuKilyati Aba, Diboni, Jekabusiilu amishi yakalinga kushingulukite mandabala ayo.

Jelemiya 22:10

Mutanoolila mwaami Josiya wakafwa kale. Kuteelesha kulila ayi wakanyonyooka. Sombi amulilile Jeoyasi uyo wakatolwa mucishi ca busha ceebo lakwe teshi akaboolelewo kumishaabo nabi kubona tubili cishi cine mishaabo.

Jelemiya 22:18

Paceebo ceeco pali Jeoiyakimu mwanaakwe Josiya mwaami wa bene Juda, Mwaami Lesa waamba ayi, “Teshi akalilweewo ayi, ‘Maawe nandumi yangu! Maawe mukwesu!’ Teshi akalilweewo ayi, ‘Maawe mwaami wangu! Maawe bulemu bwakwe!’

Shakubelenga 13:22

Bakataanguna kuya kumalenge a cishi akushika kuEbuloni, uko kwakalinga kwikala shipani sha bene Ayimani, Sheshayi alimwi aTalimayi, bamulunyungu lwa bantu bapolomene beetwa ayi Anakimu. Ndabala ya Ebuloni ndiyakayakwa, pakeenda myaaka yosanwe ayobilo ayi iyakwe ndabala ya Soani mucishi ca Ijipiti.

Shakubelenga 20:29

Mpomunyaawo bene Isilaeli boonse bakanyumfwa ayi Aloni wafwa. Lyalo bakamulila kwanshiku shili makumi otatwe.

Joni 11:31

BaJuda bakalinga aMaliya muŋanda kabamulishaanyaako, ndibakabona mbuli mbwaakanyamuka akuswita pansengwe, bakamukonkela kabayeeya ayi waya mukulilila kucuumbwe.

Joni 11:35

Jesu wakalila.

Milimo ya Batumwi 8:2

Basankwa bamwi bakalinga kushoma Lesa bakafukila Sitifini, akumulila abuumbi.

Dutolonomi 34:8

Bene Isilaeli bakamulila kwanshiku shili makumi otatwe mushinyika sha Moabu.

Joshuwa 10:39

Ndabala inene iyi bakeebwesa pantu pomwi amwaami wa njiyo, mishi ishingulukite alimwi akucaya bantu bakalinga kwikalaamo. Boonse bakalinga kwikalaamo bakanyonyoolwa. Taaku muntu nabi womwi wakapuluka. Bakacita kundabala ya Debe akumwaami wa njiyo, bweenka mbobakacita kundabala inene ya Libuna amwaami wa njiyo alimwi akundabala inene ya Ebuloni.

Joshuwa 15:13

Ono kweelana aMwaami Lesa mbwaakaambila Joshuwa, cipansha cimwi cakwe Juda wakacipa Kalebu mwanaakwe Jefune. Wakapekwa cishi ca Kilyati Aaba nabi ayi Ebuloni. Aaba wakalinga ishi Anaki.

Joshuwa 15:54

Umata, Ebuloni alimwi aSioli. Nkokwaamba ayi mandabala anene pantu pomwi akalinga osanwe aone kubikaawo amishi yakalinga kushingulukite mandabala ayo.

Joshuwa 20:7

Aboobo kumbo lya Joodani bakasala ndabala ya Kadeshi muGalili mucishi ca tulundu cakwe Nafutali, Shekemu mucishi ca tulundu cakwe Efuleemu, Kilyati Aaba nabi ayi Ebuloni mucishi ca tulundu cakwe Juda.

Joshuwa 21:11

Bakabapa ndabala inene ya Kilyati Aaba ili mucishi ca tulundu ca Juda, iyo iitwa ayi Ebuloni bulya pantu pomwi amafulo akalinga kwiishingulukite. Aaba wakalinga ishi Anaki.

Boomboloshi 1:10

Kuswawaawo bene Juda bakaya mukulwana bene Kenani bakalinga kwikala mundabala ya Ebuloni, iyo kalekale yakalinga kwiitwa ayi Kilyati Aba. Uko bakaya mukukoma bamumukowa wakwe Sheshayi, Ayimani alimwi aTalumayi.

1 Samwelo 20:31

Sa toobwene kwaamba ayi kulilabo Defedi kaali muumi teshi ukabewo mwaami wa cishi cino? Ono koya ukamuleete, ulyeelete kufwa!”

1 Samwelo 25:1

Ono Samwelo wakafwa, mpeeke bene Isilaeli boonse bakabungana ayi bamuliile akumubika kumishaabo kuLama. Mpomunyaawo Defedi wakasena muluyanga lwa Palani.

1 Samwelo 28:3

Ono paciindi ico Samwelo wakalinga kufwite. Ndyaakafwa, bene Isilaeli boonse bakamulila akumubika muLama, ndabala ine mishaabo. Ico ciindi Saulo, beshikusonda abeshikwaamba amishimu kaali wakabatandaamo kale mucishi cakwe.