Matalikilo 22:1 - Baibo Busansulushi Bwa Libuku Ili

¹ Mukuya kwanshiku Lesa wakeelesha lushomo lwakwe Abulaamu. Wakamwiita ayi, “Abulaamu!” Alakwe wakakumbula ayi, “Nkambo!”

Matalikilo 22:1 Iomraidhean Croise

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 21:11

Ici Abulaamu cakamushupa abuumbi mukwiinga Ishimaeli wakalinga ngumwanaakwe alakwe.

Matalikilo 22:11

Sombi munjelo wa Mwaami Lesa wakamwiita kuswa kwiculu ayi, “Abulaamu, Abulaamu!” Alakwe wakakumbula ayi, “Nkambo.”

Matalikilo 22:7

Isaki wakaamba ayi, “Ta,” Alakwe wakakumbula ayi, “Mbuyani omwanaangu?” Isaki wakaamba ayi, “Mulilo ankuuni shalo mwanyamuna, ono mwanaambelele wakubenga uli kuli?”

Matalikilo 37:13

Jakobo wakaambila Josefu ayi, “Ndisuni kwaamba ayi uye kuShekemu, uko bamakwanu nkobatokweembelela.” Josefu wakakumbula ayi, “Ncibotu.”

Matalikilo 46:2

Lesa wakaamba anguwe mashiku akumwiita ayi, “Jakobo! Jakobo!” Wakakumbula ayi, “Nkambo.”

2 Samwelo 24:1

Ono Mwaami Lesa wakakalalila bene Isilaeli. Mpeeke wakalengesha Defedi kubapensha ndyaakaamba ayi, “Kamuya mukabelenge bantu bene Isilaeli abene Juda.”

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

Kulumbaisha 11:5

Mwaami Lesa ulalangalanga bantu boonse, nkokwaamba ayi baluleme abamucita shibi. Sombi ulipatite bamucita shibi boonse.

Kulonga 16:4

Mpeeke Mwaami Lesa wakaambila Mose ayi, “Ono ntoomuloshesha shakulya kuswa kwiculu ayi noonse mukwane. Bantu boonse balyeelete kuya mukubwesa shakulya lyoonse isho nsheenga bakumana pabushiku ubo. Munshila yeeyi, inga ndabeelesha akwishiba na inga bakonkela milasho yangu.

Kulonga 3:4

Ono Mwaami Lesa ndyaakabona ayi Mose utoosa cisena, wakamwiita pakati ka cikupu akwaamba ayi, “Mose! Mose!” Alakwe Mose wakakumbula ayi, “Nkambo.”

Tushimpi 17:3

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.

Isaya 6:8

Mpeeke ndakanyumfwa liswi lya Mwaami Lesa kalyaamba ayi, “Anu ngani ngweshi ntume? Anu ngani weshi abe shinkombe wesu?” Nebo ndakakumbula ayi, “Mpoondi Nkambo, amuntuume!”

1 Bene Kolinto 10:13

Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.

Dutolonomi 13:3

mutakamunyumfwili napaceyi. Mulyeelete kwishiba ayi Mwaami Lesa, Lesa wanu utoosebensesha muntu uyo kwaamba ayi amweeleshe akubona na ncakwiila mulimusuni amyoyo yanu yoonse alimwi abuumi bwanu boonse.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Bene Ebulu 11:17

Ndushomo lwakalengesha ayi Abulaamu ndyaakasunkwa aLesa ayande kupa Isaki mwanaakwe mbuli mulambu kuli Lesa. Nakubi kwaamba ayi Abulaamu ngowakashomeshekwa, wakalinga kulibambite kubenga mwanaakwe musankwa eenkabo ayi abe mulambu.

Jemusi 2:21

Ishiwesu mukulukulu Abulaamu wakalulamikwa pameenso akwe Lesa ceebo ca ceeco ncaakacita cakubenga Isaki mwanaakwe pacipaililo.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

Boomboloshi 2:22

Anu munshila iyi ndaakubeelesha akubona na balaakunookonkela nshila shangu kweelana abwakalinga kucita bamashali babo bakulukulu.”

1 Samwelo 3:4

Mwaami Lesa wakeeta Samwelo. Alakwe wakakumbula ayi, “Nkambo!”