Matalikilo 21:12 - Baibo Busansulushi Bwa Libuku Ili

¹² Sombi Lesa wakaambila Abulaamu ayi, “Utalisukami pamwaana uyu amusha wako Aga. Cita coonse nceshi akwaambile Saala mukwiinga nkwiinda muli Isaki mweshi nkakupete bamulunyungu lwako abo mbondakakulasha.

Matalikilo 21:12 Iomraidhean Croise

Matalikilo 17:19

Sombi Lesa wakaamba ayi, “Sobwe taakoonshi. Saala mukaako ulaakukushalila mwaana musankwa alimwi ulaakumutumba ayi Isaki. Ndaakulama cipangano cangu anguwe pantu pomwi abamulunyungu lwakwe lyoonse alyoonse. Cipangano ici ncamuyayaya.

Matalikilo 17:21

Sombi cipangano cangu ndaakucilama amwanaako musankwa Isaki, uyo Saala ngweshi akashale paciindi ceenka cino mwakali.”

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Bene Galatiya 4:30

Sombi Malembo akwe Lesa alaamba ayinshi? Alaamba ayi, “Tanda mwanakashi musha alimwi amwanaakwe musankwa. Mukwiinga mwaana wa mwanakashi musha inga taabwesiko buboni bwa baishi pantu pomwi amwaana wa mwanakashi waangulukite.”

Bene Ebulu 11:18

Pamwaana uyu, Lesa wakalinga waamba ayi, “Muli Isaki mweshi mukaswe bamulunyungu lwako mbondakakushomesha.”

1 Samwelo 8:7

Mwaami Lesa wakaamba ayi, “Nyumfwila shoonse bantu nsheenga baamba kuli ndiwe. Tabatookaka ndiwe, sombi nebo. Ndime bakaka kunoocili mwaami wabo.

1 Samwelo 8:9

Anu aboobo banyumfwile, sombi ubacenjeshe cakushinisha akubasansulwita bamaami baabo mbweshi bakanoobacita.”