Matalikilo 21:1 - Baibo Busansulushi Bwa Libuku Ili

¹ Mwaami Lesa wakapa coolwe Saala kweelana ambwaakalinga walasha.

Matalikilo 21:1 Iomraidhean Croise

Matalikilo 17:16

Ndaakumupa coolwe alimwi ndaakukupa mwaana kwiinda muli nguwe. Ndaakumupa coolwe, alimwi ulaakuba mushali mwanakashi wa mishobo iinji. Pakati ka bamulunyungu lwakwe palaakuba abamaami.”

Matalikilo 17:19

Sombi Lesa wakaamba ayi, “Sobwe taakoonshi. Saala mukaako ulaakukushalila mwaana musankwa alimwi ulaakumutumba ayi Isaki. Ndaakulama cipangano cangu anguwe pantu pomwi abamulunyungu lwakwe lyoonse alyoonse. Cipangano ici ncamuyayaya.

Matalikilo 17:21

Sombi cipangano cangu ndaakucilama amwanaako musankwa Isaki, uyo Saala ngweshi akashale paciindi ceenka cino mwakali.”

Matalikilo 18:10

Lyalo Mwaami Lesa wakaamba ayi, “Ncakwiila ndaakwisa kuli ndiwe paciindi ceenka cino mwakali, alimwi Saala mukaako ulaakushala mwaana musankwa.” Ico ciindi Saala kaalibo kwisule lyakwe pamulyaango wa tente alimwi kaakutika.

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

Matalikilo 24:36

BaSaala, bamuka baami bangu, bakashala mwaana musankwa kabali bacembela kale. Aboobo baami bangu bakapa mwanaabo shintu shoonse nshebacite.

Matalikilo 50:24

Mpeeke wakaambila bamakwabo ayi, “Ndipafwaafwi kufwa, sombi Lesa ulaakumucafwa akumutanjilila kuswa momuno kuya kucishi ico ncaakalasha baAbulaamu, baIsaki alimwi abaJakobo cakulumbila.”

2 Baami 4:17

Sombi bweenka bwakaamba Elisha, mwanakashi uyo wakamita akutumbuka mwaana musankwa paciindi ceenka ico mumwaaka wakaboolaawo.

Kulumbaisha 106:4

Amunjibaluke noBaami baLesa, ciindi ndyemufwita nkumbu bantu banu. Amumfunine kumwi ndyemubapulusha

Kulumbaisha 12:6

Ee, kushomesha kwa Mwaami Lesa takucite kampenda. Kulibo anga ngusilifa wakeenshikwa mumunyumbi mankanda osanwe aobilo.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 3:16

Koya ubunganye bamatanjilili ba bene Isilaeli boonse akubalwiita ayi nebo neMwaami Lesa, Lesa wa bamashali banu bakulukulu, neLesa wakwe Abulaamu, Isaki alimwi aJakobo ndakaboneka kuli ndiwe. Ubalwiite alimwi ayi ndesa akubona bene Ijipiti ncebatoocita kuli mbabo.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Luka 1:68

“Atulumbaishe Mwaami Lesa wa bene Isilaeli mukwiinga wesa mukufwakashisha bantu bakwe akubapulusha.

Luka 19:44

Balaakukumwayulula akunyonyoola boonse bekala muli ndiwe, alimwi teshi bakashiye libwe palibwenyina mukwiinga tookwe kwishiba ciindi Lesa ndyaakesa mukukupulusha.”

Bene Galatiya 4:23

Mwanaakwe wa mumwanakashi musha wakashalwa munshila ishalilwamo baana boonse, sombi mwaana wa mumwanakashi uyo wakalinga kwaangulukite wakashalwa ceebo ca kushomesha kwakwe Lesa.

Bene Galatiya 4:28

Ono mwebo nobamakwesu, muli bana bakwe Lesa kwiinda mukushomesha kwakwe, bweenka bwakalinga Isaki.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Lute 1:6

Kunembo liya Naomi wakanyumfwa ayi bantu bene mishaabo, Lesa wakabapa coolwe kwiinda mukubapa shakulya shiinji. Mpomunyaawo wakalibambila kuboolela pantu pomwi abamalokashi bakwe.

1 Samwelo 1:19

Macuunsacuunsa bushiku bwakaboolaawo, Elikana abamuŋanda yakwe bakabuka. Lyalo ndibakamana kulambila Mwaami Lesa, bakaboolela kuLama. Elikana wakakumana aAana mukaakwe. Mpeeke Mwaami Lesa wakakumbula mupailo wakwe Aana.

1 Samwelo 2:21

Mwaami Lesa ncakwiila wakapa coolwe Aana. Mpeeke wakaba abaana basankwa abamwi botatwe abanakashi bobilo. Mwanike Samwelo wakakomena mumulimo wa Mwaami Lesa.