Matalikilo 20:2 - Baibo Busansulushi Bwa Libuku Ili

² uko wakaamba ayi Saala mukaakwe, ngunankashi yakwe. Aboobo Abimeleki mwaami wa Gela wakatuma bantu ayi balete Saala kuli nguwe.

Matalikilo 20:2 Iomraidhean Croise

Matalikilo 12:15

Bamwi bamanenenene ba kunkuta bakamubona akwaambila Falawo mwaami wabo mbuli mbwaakalinga mubotu. Aboobo wakatolwa kuŋanda yakwe Falawo.

Matalikilo 20:12

Ncakwiila ngunankashi yangu ceebo ngumwanaabo bata, sombi kuteshi bama, ono alimwi ndakamweeba.

Matalikilo 21:22

Paciindi ico Abimeleki wakaya aFiko, munene wa bashilumamba bakwe, akulwiita Abulaamu ayi, “Lesa uli amwebo mushintu shoonse nshemucita.

Matalikilo 26:1

Kwakaba aimwi nsala mucishi ico kuleka imwi yakataanguna muciindi cakwe Abulaamu. Isaki wakaya kuli Abimeleki, mwaami wa bene Filisiti, kuGela.

Matalikilo 26:16

Lyalo Abimeleki wakaambila Isaki ayi, “Swa mucishi cesu. Webo waba ankusu kwiinda ndiswe.”

Matalikilo 26:7

Ono basankwa bakooko na bamwiipusha pamukaakwe, wakalinga kubaambila ayi ngunankashi yakwe. Taakalinga kusumina ayi ngumukaakwe kuloonda ayi inga bamucaya mukuyanda kubwesa Labeka uyo wakalinga mubotu abuumbi.

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

2 Makani 20:37

Sombi Eliyesa mwanaakwe Dodafawu wa kundabala ya Malesha, wakaambila Jeoshafati ayi, “Mukwiinga webo wapanga bushicibusa aAasiya, Mwaami Lesa utoonyonyoola maato ngomwapanga.” Mpeeke maato akanyonyoolwa, aboobo taakwe kweendaawo.

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

Tushimpi 24:16

Muntu ululeme nabi awe mankanda osanwe aobilo, ulabuka alimwi. Sombi balo bamucita shibi balawita limwi ceebo ca mapensho.

Tushimpi 29:25

Kuloonda muntu kuli anga nkoose, anu kubula cakulisukama nkucinkabo manungo muMwaami Lesa.

Tushimpi 6:29

Mbweeke ubo mbocibete akumuntu ukumana amuka mubye. Uyo woonse ucita camushobo uyo ulaakupengelaamo.

Shikushimikila 7:20

Taaku muntu ululeme pacishi ca panshi uyo ucita shintu shiluleme, kutabishaawo napaceyi.

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Kolose 3:9

Mutanoobecana mukwiinga mwashiya buumi bwanu bwakale kale amicito ya mbubo