Matalikilo 2:1 - Baibo Busansulushi Bwa Libuku Ili

¹ Munshila iyo liculu acishi ca panshi alimwi ashintu shoonse shiliimo shakamana kulengwa.

Matalikilo 2:1 Iomraidhean Croise

Matalikilo 1:1

Kumatalikilo Lesa wakalenga liculu acishi ca panshi.

Matalikilo 1:10

Lesa wakatumba bulongo buyumu ubo ayi, “Inshi,” aalo maanshi akabunganishikwa pantu pomwi ayi, “Lweenge.” Mpeeke Lesa wakabona kwaamba ayi shintu ishi nshibotu.

Matalikilo 2:4

Ono mboboobo liculu acishi ca panshi mboshakalengwa. Mwaami Lesa ndyaakalenga liculu acishi ca panshi coonse,

2 Baami 19:15

akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

2 Makani 2:12

Aalumbaishikwe Mwaami Lesa, Lesa wa bene Isilaeli wakalenga liculu acishi ca panshi! Wapa mwaami Defedi mwaana musongo, uswite lushibo mumilimo iinji, uyo utooyanda kutalika kumuyakila Ŋanda alimwi akuliyakila ŋanda ya bwaami.

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Jobo 12:9

Pashintu ishi shoonse taaku citeshi kwaamba ayi Mwaami Lesa ngowakacilenga.

Kulumbaisha 104:2

Mulalifweka mumuni anga ncakulifweka. Mulafungulula liculu anga nitente.

Kulumbaisha 146:6

Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Kulonga 20:11

Munshiku shosanwe abomwi, nebo neMwaami Lesa ndakalenga cishi ca panshi, liculu, lweenge alimwi ashintu shoonse shili muli nshisho. Sombi pabushiku bwasanu ashobilo ndakookesha. Nceceeco nebo neMwaami Lesa, ncendakapeta coolwe bushiku bwakookesha bwa Cibelu akubusalasha.

Kulonga 31:17

Bushiku ubo nkeshibilo ka nshiku shoonse pakati kabene Isilaeli alimwi anebo, ceebo nebo neMwaami Lesa ndakalenga liculu alimwi acishi ca panshi munshiku shosanwe abomwi, ono pabushiku bwasanu ashobilo, ndakacileka kusebensa akookesha.”

Isaya 34:4

Lyalo nyenyeenshi shoonse sha kwiculu shilaakusunguluka, alyalo liculu lilaakufungeelwabo anga nimpasa. Shoonse shibala mwiculu shilaakumana kuloka. Shilaakunoolokabo anga ngamatewu a cisamu ayuma, nabi anga ninkuyu shanyana shitooloka kucisamu.

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Isaya 45:12

Ndime ndakalenga cishi ca panshi akulenga bantu bekalaamo. Ngamaansaangu nemwiine akafungulula liculu alimwi ndime nyendelesha makoto makoto anyenyeenshi ashimwi shiliimo.

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Isaya 48:13

Lwiimbi lwa cishi ca panshi ndakalupanga amaansaangu. Ndime ndakafungulula liculu kwaamba ayi likwane koonse. Na liculu nabi cishi ca panshi ndashiita shilesa mpomunyaawo kunembo lyangu.

Isaya 55:9

Bweenka liculu mbolili kulaale acishi ca panshi, mbweeke ubo miyeeyo yangu mbweebete kulaale ayaanu. Ashalo nshila shangu mboshibete kulaale ashaanu.

Isaya 65:17

Mwaami Lesa waamba ayi, “Ntoolenga liculu lipya acishi ca panshi cipya. Shintu shikulukulu shilaakulubwa alimwi teshi shikeebalukweewo napaceyi.

Jelemiya 10:12

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Luka 2:13

Paciindi ceenka ico kwakaboneka baanjelo baanji baanji ba kwiculu pantu pomwi amunjelo ulya, kabalumbaisha Lesa kabaamba ayi,

Milimo ya Batumwi 4:24

Ono bashomi ndibakanyumfwa makani aya, boonse bakapailila pantu pomwi amoyo womwi ayi, “Nkambo Lesa, mwebo nomwakalenga kwiculu, cishi amilonga alimwi ashintu shoonse shiliimo.

Milimo ya Batumwi 7:42

Sombi Lesa wakabafutatila akubaleka ayi banoolambila nyenyeenshi sha mwiculu, kweelana ambuli mbomulembetwe mulibuku lya balaluki bakulukulu ayi, ‘Mwebo nobene Isilaeli! Sa ndime mwakalinga kubengela milambu akupa shipo kwamyaaka makumi one muluyanga? Sobwe.

Dutolonomi 17:3

Nkokwaamba ayi wakalambila akusebensela balesa bamwi, lisuba, mweenshi nabi nyenyeenshi, ico citeendelani amulawo wa Mwaami Lesa.

Dutolonomi 4:19

Mutakeeleshi kulambila nabi kusebensela cimwi ncemubona mwiculu mbuli lisuba, mweenshi, alimwi anyenyeenshi. Shintu ishi Mwaami Lesa, Lesa wanu wakashilekela bantu boonse ba mishobo imwi.

Bene Ebulu 4:3

Nkokwaamba ayi swebo sotushoma muli Lesa ono twenjila mukookesha uko. Kweelana abwakaamba Lesa ayi, “Ndakakalala akushomesha cakulumbila ayi, ‘Teshi bakenjileewo mucishi umo mondalinga kweelete kubapa kookesha!’ ” Lesa wakaamba boobo nakubi kwaamba ayi wakamanisha milimo yakwe yoonse ndyaakalenga cishi coonse.