Matalikilo 19:8 - Baibo Busansulushi Bwa Libuku Ili

⁸ Nebo ndicite baana bamyooye bobilo batana kukumanaawo amusankwa. Amuleke mukushile, alimwi inga mwacitaabo cili coonse ncemusuni. Ono mutaciti nabi comwi abasankwa aba. Beensu aba bali muŋanda yangu, aboobo ndyeelete kubeemikanina.”

Matalikilo 19:8 Iomraidhean Croise

Matalikilo 18:5

Ntooletaawo atwakulya tweshi tumupeeko nkusu shakutolelela lweendo lwanu. Mwampa bulemu kwisa paŋanda yangu, ono amuleke mutebete.” Mpeeke bakakumbula ayi, “Twalumba, amucite mbomwaamba.”

Matalikilo 19:7

Mpeeke wakabaambila ayi, “Nobeensuma, ndamusenga kwaamba ayi mutaciti cintu citonda ca mushobo uyu!

Matalikilo 42:37

Lubeni wakaambila baishi ayi, “Na nkabule kumuboosha Benjameni inga mwacaya bana bangu bobilo basankwa. Amumubikebo mumaansaangu, ndaakumuleta alimwi.”

Kulonga 32:22

Aloni wakakumbula ayi, “Mutankalalili nkambo. Mwebo mulishi bantu aba mbobasuminite kucita cibiibi.

Tushimpi 9:7

“Uyo woonse ululika muntu shikucelebula, ulalitukanishabo mwiine. Awooyo ukalalila mucita shibi ulalicobweshabo mwiine.

Isaya 58:7

Sa teshi kwakwaabila beshinsala shakulya shanu akupa maanda bantu baya ciingookabo ceebo cakwaabula? Sa teshi kwakucita na mwaboona uli mubusakula mwamupa shakufwala alimwi akutakaka kucafwa bene mishaanu?

Maako 9:6

Mukwiinga bashikwiiya aba bakaloonda abuumbi, Pita taakalinga kwishi ancaakalinga kwaamba.

Bene Loma 3:8

Ino ceebonshi inga tatwaambi ayi, “Atucite shibiibi kwaamba ayi shibotu shiboneke?” Ncakwiila bantu bamwi balantukana kwiinda mukumbekesha ayi ndaamba cikani ceenka ici. Bantu abo Lesa ulaakubapa mulandu weelete.

Boomboloshi 19:23

Mpeeke mwine ŋanda wakaswita pansengwe akubaambila ayi, “Tau, nobamakwesu, mutaciti cintu cilensha nsoni ca mushobo uyo. Muntu uyo ngumweensu wangu.

Boomboloshi 19:24

Nebo ndicite mwaana mooye utana kukumanaawo amusankwa alimwi akasuwa wa mweensu wangu. Ntoomukushisha bulya onoono. Inga mwacitaabo cili coonse ncemusuni. Ono mutaciti cintu cilensha nsoni ca mushobo uyo kumusankwa uyu.”

Boomboloshi 9:15

Sombi muumfwa wakakumbula ayi, ‘Na ncakwiila mulisuni ayi mbe mwaami wanu, amwise mookeshe mucimfule cangu. Na mukake, ingayi mulilo utooswa kumiyanda yangu akutenta shisamu sha sida sha kuLebanoni.’ ”