Matalikilo 18:21 - Baibo Busansulushi Bwa Libuku Ili

²¹ Ndyeelete kuyaako kwaamba ayi nkaboneshe na ncakwiila milandu njendakanyumfwa njancinencine.”

Matalikilo 18:21 Iomraidhean Croise

Matalikilo 11:5

Mpeeke Mwaami Lesa wakesa panshi mukubona ndabala inene acaanda cilaamfu ico cakayaka bantu abo,

Matalikilo 11:7

Atuye panshi tuye tufulunganye mulaka wabo kwaamba ayi banoobula kunyumfwana womwi awomwi.”

Matalikilo 18:17

Mwaami Lesa wakalyaamboosha ayi, “Teshi mushiise Abulaamu ncentooyanda kucita.

Matalikilo 6:12

Lesa wakabona cishi ca panshi mbocakalinga canjila mucibiibi mukwiinga bantu boonse bakalinga kucitabo shibiibi.

Jobo 34:22

Taakuuwo munshinshe nabi musena ushiya mbi uko bamucita shibi nkweenga bayubila Lesa.

Kulumbaisha 14:2

Kwiculu Mwaami Lesa ulalangilisha bantu panshi ayi abone na pali musongo, ee, kwaamba ayi abone muntu uyo usuni kumulambila.

Kulumbaisha 90:8

Mwabika shilubo nshetucite pameenso anu, shibiibi shesu shishisitwe mwashitula patuba kunembo lyanu.

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Kulonga 33:5

Ceebo Mwaami Lesa wakaambila Mose ayi, “Ulwiite bene Isilaeli maswi angu ayi, ‘Muli bantu beshicimpamya. Na ndayaanu kwaciindi ciniinibo, inga ndamunyonyoola cakumaninina. Ono amufuule shakulibotesha shanu, nebo ntooshiba cakucita pali ndimwe.’ ”

Jelemiya 17:1

Mwaami Lesa waamba ayi, “Nobene Juda shibiibi shanu shakalembelwa acakulembesha ca nshimbi. Shakatalwa alibwe likolete pamyoyo yanu alimwi akumakonko oonse a shipaililo shanu.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Jona 1:2

“Nyamuka uye kundabala inene iindaawo ya Ninife, akushimikila cakucenjesha bantu ba mumo, ceebo bubi bwabo ndabubona ayi bwafula.”

Mika 1:3

Amubone, Mwaami Lesa utoosa kuswa kumusena wakwe usalalite. Utoosa pacishi ca panshi akweenda peculu patulundu.

Sefaniya 1:12

“Paciindi ico ndaakuyandoola muJelusalemu alilampi akupa mulandu kubaabo balibona kubota abo bali anga nguwaini wakalila panshi. Balo balayeeya ayi, ‘Mwaami Lesa taaku nceenga wacita, kucita cibotu nabi cibiibi.’

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Joni 6:38

Mukwiinga ndakaswa kwiculu kwisa mukucita sheesho shiyanda wooyo wakantuma, kuteshi shiyanda ndime nemwiine, sobwe.

2 Bene Kolinto 11:11

Sa ntokwaamba boobo ceebo cakutamusuna? Sobwe, Lesa ulishi kwaamba ayi ndimusuni!

Dutolonomi 13:3

mutakamunyumfwili napaceyi. Mulyeelete kwishiba ayi Mwaami Lesa, Lesa wanu utoosebensesha muntu uyo kwaamba ayi amweeleshe akubona na ncakwiila mulimusuni amyoyo yanu yoonse alimwi abuumi bwanu boonse.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

1 Bene Tesalonika 4:16

Bantu balaakunyumfwa koolobesha kunene, liswi lya munjelo munene alupeenga lwakwe Lesa. Lyalo Mwaami Jesu ulaakuswa kwiculu kwisa panshi. Mpeeke abo bakafwa kabashoma muli Jesu Klistu balaakutaanguna kubuka kuswa kubafu.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Joshuwa 22:22

“Shinkusu shoonse Ulya nguLesa alimwi nguMwaami Lesa! Shinkusu shoonse Ulya nguLesa alimwi nguMwaami Lesa! Ulishi ncetwacitila bobulya, abalo bene Isilaeli bamwi boonse abeshibe! Na ncakwiila twacita ceeci mubwaashu nabi mukutanyumfwila Mwaami Lesa, sunu lyeenka mutumaneewo.