Matalikilo 16:12 - Baibo Busansulushi Bwa Libuku Ili

¹² Sombi mwanaako uyo ulaakunookala anga nimbongolo ya muluundu. Ulaakunoopatite bantu boonse, alakwe bantu boonse balaakunoomupatite. Ulaakunoopatitwe kubamakwabo boonse.”

Matalikilo 16:12 Iomraidhean Croise

Matalikilo 21:20

Lesa wakalinga amwaana uyo mukukula kwakwe. Mwaana uyo wakakulila muluyanga lwa Palani akuba shikufwima ucibwene.

Matalikilo 25:18

Bamulunyungu lwakwe Ishimaeli bakalinga kwikala mucishi cakalinga pakati ka Afila aShuwa kwicwe lya Ijipiti na utooya kuAsilya. Bakapansaana kwikala abamulunyungu lwakwe Abulaamu bamwi mukwiinga bakalinga kupatene.

Matalikilo 27:40

Ulaakunoocana buumi kwiinda mukusebensesha mupeeni, alimwi ulaakuba musha wa mukwanu. Sombi waakwaashuka, ulaakupatuka kuswa mubweendeleshi bwakwe.”

Matalikilo 37:25

Ndibakalinga kulya, bakabonabo likoto lya bene Ishimaeli kabali pamushinso wakuswa kuGilyadi kuya kuIjipiti. Ngamela shabo shakalinga kuyumwite mashina a shisamu anunkila kabotu, misamu alimwi amule.

Jobo 11:12

Sombi nciyumu kulengesha baluya kuba basongo, kwiinda kutambisha mbongolo ya muluundu ayi ibombe.

Jobo 24:5

“Lyalo bakandu balaya ciingailabo muluyanga anga nimbongolo sha muluundu. Baleengooka muluyanga kwaamba ayi bayandoole shakulya. Ncakwiila muluyanga momuswa shakulya sha bana babo.