Matalikilo 15:3 - Baibo Busansulushi Bwa Libuku Ili

³ Tamukwe nkupaawo baana, aboobo womwi pabasha bangu ulaakubwesa buboni bwangu ndaakufwa.”

Matalikilo 15:3 Iomraidhean Croise

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 13:16

Ndaakukupa baana baanji cakwaamba ayi taaku eshi akakonshe kubabelenga. Nkokwaamba ayi na muntu wakonsha kubelenga museese, inga wakonsha kubelenga abamulunyungu lwako.

Matalikilo 14:14

Abulamu ndyaakanyumfwa kwaamba ayi mwiicwa wakwe watolwa busha, wakabunganya basankwa beshikulwana pamisumba yakwe abo bakalinga kushika 318 boonse pantu pomwi. Mpeeke bakakonkela bamaami abo kuya mukushika akuDani.

Matalikilo 15:2

Sombi Abulamu wakakumbula ayi, “NoBaami Beshinkusu shoonse, nebo nshiciteewo mwaana, ino cilambu canu cilicite mpindunshi kuli ndime? Eliyasa eenkabo wa kuDamasikasi njempyani yangu.

Tushimpi 13:12

Cilacisisha moyo na koolangila kapongo kafwite, sombi ncewalinga kulangila cacitika, kulangila kwako kulaba anga ncisamu cipa buumi.

Tushimpi 29:21

Na muntu wayolosha musebenshi wakwe kuswa kumatalikilo, kumeelelesho ulaakupyana buboni bwakwe boonse.

Tushimpi 30:23

mwanakashi weebwa sombi musankwa kaatamusuniiwo alimwi amusebenshi mwanakashi ubwesa musena wa mwaami wakwe mwanakashi.

Shikushimikila 2:7

Ndakoola basha basankwa abanakashi kubikaawo abasha bamwi bakashalilwa muŋanda yangu. Ndakalinga kucite ŋombe ambelele kwiinda bamaami bakataanguna kulela muJelusalemu.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?