Matalikilo 15:13 - Baibo Busansulushi Bwa Libuku Ili

¹³ Lyalo Mwaami Lesa wakamwaambila ayi, “Bamulunyungu lwako balaakuba beensu mucishi citeshi cabo. Balaakuba basha uko akweendeleshekwa calunkutwe kwamyaaka ili 400.

Matalikilo 15:13 Iomraidhean Croise

Matalikilo 15:16

Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Matalikilo 47:4

Twesa mukwikala mucishi cino ceebo mucishi ca Kenani nsala yakomena abuumbi cakwaamba ayi taaku abwiisu bwa shifubwa shesu. Twaseenga mutusuminishe kwikala mumusena wa Gosheni.”

Kulumbaisha 105:42

Ceebo wakeebaluka kushomesha kwakwe kusalalite, uko nkwaakalumbila kuli Abulaamu musebenshi wakwe.

Kulonga 1:11

Aboobo bene Ijipiti bakasala beshikubasebensesha kwaamba ayi babapeenshe kwiinda mukusebensa ncito shiyumu. Bene Isilaeli bakayaka mandabala anene obilo aPitomu alimwi aLamesesi kwaamba ayi munoolaminwa shakulya sha mwaami Falawo.

Kulonga 1:13

Paceebo ceeci bakatalika kubasebensesha calunkutwe.

Kulonga 1:14

Bakayumya ceendo ca buumi bwabo kwiinda mukubasebensesha ncito iyumu abuumbi ya buyaki, alimwi aya mumyuunda yabo, cakutabanyumfwilawo nkumbu.

Kulonga 2:24

alakwe wakabanyumfwa akwiibaluka cipangano cakwe kuli Abulaamu, Isaki alimwi aJakobo.

Kulonga 22:21

“Mutabi alunkutwe nabi kupensha muswamashi, mukwiinga amwebo mwakalinga baswamashi mucishi ca Ijipiti.

Kulonga 23:9

“Mutabi alunkutwe kumuswamashi. Mwebo mulishi buswamashi mbobubete ceebo mwakalinga baswamashi mucishi ca Ijipiti.

Kulonga 3:10

Ono ntookutuma kumwaami Falawo wa kuIjipiti kwaamba ayi ukatanjilile bantu bangu kuswa mucishi cakwe.”

Kulonga 3:17

Ndayeeya kwaamba ayi nkabakushe muIjipiti, umo mobatoopenshekwa abuumbi, alimwi akubatola kucishi kuli bubile abulongo bubotu. Mucishi umo momuli bene Kenani, bene Iti, bene Amoli, bene Pelisi, bene Ifi alimwi abene Jebusi.

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Bene Lefi 19:34

Kuli mbabo mucite bweenka mbweenga mwaciita kumwine Isilaelinyinaanu, akubasuna bweenka mbomulisuni nobeene. Kamwiibaluka ayi amwebo mwakalinga baswamashi mucishi ca Ijipiti. Nebo ndime Mwaami Lesa, Lesa wanu.

Shakubelenga 20:15

mbuli bamashali besu bakulukulu mbobakaya mucishi ca Ijipiti. Anu bene Ijipiti bakapensha bamashali besu bakulukulu alimwi aswebo.

Milimo ya Batumwi 7:17

“Ono ciindi ndicakasenena kwaamba ayi Lesa acite kweelana ambwaakashomesha Abulaamu, bantu ba mushobo wesu bakafula abuumbi muIjipiti.

Bene Galatiya 3:17

Nceentokwaamba nceeci. Lesa wakapangana aAbulaamu akumushomesha ayi teshi akacilubeeko cipangano ico. Aboobo, Milawo yakapekwa ndipakeenda myaaka ili myaanda yone amakumi otatwe taikoonshi kucaya cipangano ico alimwi aceeco ncaakashomesha Lesa.

Dutolonomi 10:19

Ono aboobo amutondeshe lusuno kubaswamashi abo ceebo amwebo mwakalinga baswamashi muIjipiti.

Dutolonomi 5:15

Amwiibaluke ayi mwakalinga basha mucishi ca Ijipiti alimwi ayi nebo neMwaami Lesa, Lesa wanu ndakamufuna kwiinda munkusu shangu shinene. Nceceeco ncendamwaambilila ayi mulame bushiku bwakookesha bwa Cibelu.