Matalikilo 1:9 - Baibo Busansulushi Bwa Libuku Ili

⁹ Kuswawaawo Lesa wakaamba ayi, “Maanshi ali panshi lya musena ufongomene uyo abungane mumusena womwi kwaamba ayi bulongo buyumu buboneke.” Mpeeke kwakaba bweenka ubo.

Matalikilo 1:9 Iomraidhean Croise

Matalikilo 1:8

Lesa wakatumba musena uyo ayi, “Liculu.” Lyalo kwakaba macolesha amacuunsa, ubu bwakaba mbushiku bwabili.

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Jobo 26:10

Wakatala manyinsa palweenge, mukupansaanya mumuni amunshinshe.

Jobo 26:7

Wakafungulula liculu pamusena wakalinga bwaashi akwaanjika cishi ca panshi patakalingawo cintu.

Kulumbaisha 104:3

Mwakayaka ŋanda yanu peculu lya maanshi a kwiculu. Mulasebensesha makumbi anga shikoci shanu sha nkondo. Muleendela pamapapaminwa a muuwo.

Kulumbaisha 33:7

Maanshi a mulweenge wakaabunjika anga ngalya ali munongo. Mwaami Lesa mwiine ngowakaashinkila kuba mumisena njaabeteemo.

Kulumbaisha 95:5

Ulalela maanshi a mulweenge ayo ngaakalenga alimwi ulalela cishi coonse ncaakabumba mwiine.

Shikushimikila 1:7

Milonga yoonse ilakunkila mulweenge, sombi lweenge ulo talusuliiwo. Ono uko kweenka kuswita mulonga, aalo maanshi alaboolela nkomunya uko.

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

Jona 1:9

Jona wakakumbula ayi, “Ndi muEbulu. Ndalambila Mwaami Lesa, uli ngoLesa wa kwiculu uyo wakalenga inshi alweenge.”

2 Pita 3:5

Balakaka kashanga kushoma ayi kale kale Lesa, kwiinda mumaswi akwe wakalenga liculu alimwi acishi. Wakalenga inshi kuswa mumaanshi ndyaakapansaanya inshi amaanshi.

Ciyubululo 10:6

akulumbila muliina lyakwe Lesa muumi kwalyoonse alyoonse, wakalenga liculu, cishi ca panshi, lweenge alimwi ashintu shoonse shiliimo. Munjelo wakaamba ayi, “Ciindi ono camana!