Matalikilo 1:3 - Baibo Busansulushi Bwa Libuku Ili

³ Mpeeke Lesa wakaamba ayi, “Akube mumuni.” Lyalo mumuni wakabaako.

Matalikilo 1:3 Iomraidhean Croise

Matalikilo 2:4

Ono mboboobo liculu acishi ca panshi mboshakalengwa. Mwaami Lesa ndyaakalenga liculu acishi ca panshi coonse,

Jobo 36:30

Bona Lesa mbwaatuma kubeka kwa mfula mwiculu lyoonse cakwaamba ayi peela lweenge palacaalabo tuu.

Jobo 38:19

“Sa kuswita mumuni ulibweneeko? Sa kwikala munshinshe ulishiiko?

Kulumbaisha 104:2

Mulalifweka mumuni anga ncakulifweka. Mulafungulula liculu anga nitente.

Kulumbaisha 118:27

Mwaami Lesa ncakwiila nguLesa, ulatucitila shibotu. Amutalike kusekelela kamucite amalala mumaansa, tibili muye mukashiike akucipaililo.

Kulumbaisha 148:5

Shoonse ashilumbaishe liina lya Mwaami Lesa ceebo shakalengwa kwiinda muliswi lyakwe.

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Kulumbaisha 97:11

Mumuni ulamunikila pabantu baluleme. Kusangalala kulapekwa kubasalalite mumyoyo.

Isaya 45:7

Ndalengesha mumuni kubaako nabi munshinshe. Ndime mpa shoolwe alimwi ndime mpa mapensho. Ee, nebo neenka neMwaami Lesa ndime ncita shintu shoonse ishi.

Isaya 60:19

“Lisuba lilaakucileka kuba ngomumuni wako malumwi, nabi mweenshi kukupa mumuni mashiku, ceebo nebo neMwaami Lesa ndimeshi nkabe mumuni wako kwalyoonse alyoonse. Nebo neLesa wako neenka ndaakuba bulemu bwako.

Mateyo 8:3

Mpomunyaawo Jesu wakafungulula lyaansa lyakwe akucata musankwa uyo kaamba ayi, “Ee ndisuni, ba kabotu!” Lyalo manata akamana.

Joni 1:5

Mumuni uyo ulamunika mumunshinshe, sombi munshinshe tookoonshi kuukoma.

Joni 1:9

Uyu ngoMumuni wancinencine wakesa mucishi ca panshi mukumunikila bantu boonse.

Joni 11:43

Jesu ndyaakamana kwaamba boobo, wakeeta aliswi lya peculu ayi, “Lasalo, swaamo umo!”

Joni 3:19

Bupingushi mboobu, mumuni wakesa mucishi, sombi bantu bakasuna munshinshe kwiinda mumuni mukwiinga micito yabo njibiibi.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

1 Joni 1:5

Ono makani ngotwakanyumfwa kuMwanaakwe ayo ngotutoomushimikila, ngakwaamba ayi Lesa ngumumuni alimwi muli nguwe taamu munshinshe.

1 Joni 2:8

Nakubi boobo mulawo uyu ngoontoomulembela ngupya mukwiinga lushinisho lwa nguwo lulaboneka muli Klistu alimwi amuli ndimwe. Ono munshinshe utooya cimana alimwi mumuni wancinencine watalika kale kubala.