Matalikilo 1:2 - Baibo Busansulushi Bwa Libuku Ili

² Ono cishi taaku mbocakalingaawo ceebo temwakalinga shintu. Kwakalingabo munshinshe peculu lya maanshi aanji. Mushimu wakwe Lesa wakalinga kweendeendabo peculu lya maanshi.

Matalikilo 1:2 Iomraidhean Croise

Jobo 26:14

Sombi iyi njimilimo yakwe ya peculubo. Muli njiyo, swebo tulanyumfwabo kutepeta kwakwe. Anu ngani weenga weshiba mankalunkalu atondesha nkusu shakwe?”

Jobo 26:7

Wakafungulula liculu pamusena wakalinga bwaashi akwaanjika cishi ca panshi patakalingawo cintu.

Jobo 38:9

Ncakwiila ndime ndakalufwekelesha amakumbi akuluputilisha mumunshinshe.

Jobo 41:32

Munshila mweenga weenda mulacaala kamubembelabo. Lweenge lulaboolabo tuu kulyoofu ndyaashiya.

Kulumbaisha 104:30

Sombi na mwashipa muuya wanu shilaba abuumi. Ncakwiila mulapa buumi kucishi ca panshi coonse.

Kulumbaisha 104:6

Mwakacifwekelesha alweenge anga ngumungaanjo. Ncakwiila maanshi akafwekelela atulundu tulaamfu.

Kulumbaisha 136:6

Wakayaka cishi peculu lya maanshi, ee, mukwiinga lusuno lwakwe ndwamuyayaya.

Kulumbaisha 148:7

Amulumbaishe Mwaami Lesa nobapacishi ca panshi, banyama bamumaanshi anolweenge lulaamfu.

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Tushimpi 8:24

Ndakashalwa lweenge kalutana kubaawo, ee, tuntupu twa maanshi katutana kubaawo.

Isaya 31:5

Ncakwiila bweenka muyuni mbwaalelemba peculu lya ciinswa ca bana bakwe mukubatabilila, mbweeke ubo nebo neMwaami Lesa Shinkusu shoonse mbweshi nkatabilile ndabala ya Jelusalemu akwiifuna.”

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Jelemiya 4:23

Mpeeke ndakalangilisha pacishi ca panshi akubona ayi taaku mbocakalingaawo alimwi temwakalinga shintu. Ndakalanga kwiculu akubona ayi akwalo taaku mumuni nauceyi.

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Dutolonomi 32:11

bweenka mbuli mumbankwashi mbwaapalanganya ciinswa, akunooshinguluka peculu lya bana bakwe, ulafungulula mapapaminwa akwe ayi ababeleke, akubayumuna pamapapaminwa akwe.