Matalikilo 1:11 - Baibo Busansulushi Bwa Libuku Ili

¹¹ Kuswawaawo Lesa wakaamba ayi, “Inshi aimene shishango isho shicata nseke, ashisamu shicata shisepo shicite mikoli kweelana amushobo wa comwi acomwi.” Mpeeke kwakaba bweenka ubo.

Matalikilo 1:11 Iomraidhean Croise

Matalikilo 1:12

Aboobo inshi yakamena shishango isho shicata nseke, ashisamu shicata shisepo shicite mikoli kweelana amushobo wa comwi acomwi. Ono Lesa wakabona kwaamba ayi shintu ishi nshibotu.

Matalikilo 1:29

Mpeeke Lesa wakaamba ayi, “Ndakupa shoonse shishango shicite nseke isho shili pacishi ca panshi coonse, ashisamu shoonse shicata shisepo shicite mikoli kwaamba ayi shikabe cakulya cako.

Matalikilo 2:16

Ono wakaambila muntu ayi, “Inga walya cisepo ca cisamu cili coonse mumuunda,

Matalikilo 2:5

Tekwakalingawo shishango pacishi ca panshi alimwi nseke shoonse kashitana kumena, mukwiinga ciindi ico Mwaami Lesa kaatana kuloshawo mfula. Alimwi tekwakalinga muntu shikulima.

Matalikilo 2:9

Mpeeke wakalengesha ayi mumene shisamu shibotu akucata shisepo shibotu. Sombi pakati ka muunda pakalinga kwiimfwi cisamu cipa buumi, acisamu cipa lushibo lwa bubotu abubi.

Jobo 28:5

Bulongo ubo bukusha shakulya, panshi lya mbubo bulapasoolwa kumulilo.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Kulumbaisha 147:8

Lakwe ngoofwekelesha liculu amakumbi, ngoolosha mfula pacishi ca panshi, akumenesha bwiisu patulundu.

Isaya 61:11

Ono bweenka bulongo mbobumenesha shishango, ee, bweenka muunda mbookusha shakashangwaamo, mbweeke ubo Mwaami Lesa Shinkusu shoonse mbweshi akaboneshe bululami abulemu bwakwe pameenso amishobo imwi yoonse.

Jelemiya 17:8

Lakwe ulaakubabo anga ncisamu cishangitwe kufwaafwi amaanshi, cisamu citola miyanda mukalonga. Taciyumiwo nabi cilimo. Matewu a ncico alatontola ciindi coonse. Mumwaaka wa cilanga calo tacipengiiwo alimwi calo cilacatabo lyoonse shisepo.

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Mateyo 6:30

Ono na Lesa ulafwalika boobo bwiisu ubo bucita sunu mpobuli sombi ciilo bwapya, sa mwebo inga taamufwaliki kwiindaawo? Kuceya lushomo ndomucite mwebo nobantu!

Maako 4:28

Bulongo bwiine mbobukulisha mumeno akuulengesha kwaamba ayi ucate. Citaanguna ncibuba, kuboolaawo njimifuko, pesule mifuko ndyeiba anseeke.

1 Bene Kolinto 15:38

Sombi Lesa ulabamba ceeco ciswaamo kwaamba ayi ciboneke mbwaasuni. Lesa ngoopa ceeco ciswa munseke yomwi yomwi kuboneka mbuli mboyeelete.

Bene Ebulu 6:7

Lesa ulapa coolwe bulongo bwa mumuunda umo mulokela mfula liinji liinji akulengesha ayi mbewu sha balimi shicate shisepo shibotu shibaletela mpindu.

Jemusi 3:12

Nobamakwesu, sa mukuyu inga wacata maolifi, nabi shisamu sha minyansa kucata nkuyu? Mbweeke ubo akalo kantupu ka maanshi alula takakoonshi kukusha maanshi abotu.