Malilo 3:2 - Baibo Busansulushi Bwa Libuku Ili

² Wakantandaanya akunengesha kweenda mumunshinshe kuteshi mumumuni.

Malilo 3:2 Iomraidhean Croise

Jobo 18:18

Ulaakukushikwa mucishi ca boomi, ee, kukushikwa mumumuni akutolwa mumunshinshe.

Jobo 30:26

Ndakalinga kulangila shibotu, sombi kwakalinga kwisa bubi. Ndakalinga kulangoola mumuni, sombi kwakalinga kwisa munshinshe.

Isaya 59:9

Bantu bakaamba ayi, “Anu nceceeco koombolosha kululame ncekwatutalamukila! Anu nceceeco kweenda cakubula kampenda ncekutabetele pafwaafwi aswebo! Tulacita ayi tulangoolewo mumuni, sombi tulacanabo munshinshe. Tuleelesha kulangila ayi mpashi kulatuba, sombi ndikwiindaawo akushiya.

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Jelemiya 4:23

Mpeeke ndakalangilisha pacishi ca panshi akubona ayi taaku mbocakalingaawo alimwi temwakalinga shintu. Ndakalanga kwiculu akubona ayi akwalo taaku mumuni nauceyi.

Malilo 2:1

Mwaami Lesa wakafwekelesha ndabala ya Siyoni alikumbi lya bukali bwakwe! Wakaceesha ndabala iyo yakalinga bulemu bwa bene Isilaeli. Mubukali bwakwe wakaluba aŊanda yakwe.

Dutolonomi 28:29

Mwebo mulaakunooshibashiba anga ngumoofu lumwilubala. Mulaakunookwaalilwa kwishiba nkomutooya alimwi teshi mukaswitilile mushintu shoonse nsheshi mukanoocita. Lyoonse mulaakunoonyengelelwa alimwi akwiipilwa, sombi taaku eshi akamufuune.

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.