Malilo 2:6 - Baibo Busansulushi Bwa Libuku Ili

⁶ Wakamwaya Ŋanda yakwe ayi ibe anga ngumuunda, ee, kunyonyoola Ŋanda umo motwakalinga kumulambilila. Mwaami Lesa walengesha Siyoni kuluba nshiku shakusekelela ashakookesha sha Cibelu. Mwaami amupailishi boonse bakanyumfwa nkusu sha bukali bwakwe.

Malilo 2:6 Iomraidhean Croise

Kulumbaisha 74:7

Bakanyonyoola Ŋanda yanu akwiitenta. Bakabisha musena wanu usalalite umo momulambililwa.

Kulumbaisha 76:2

Ŋanda yakwe ili muJelusalemu, ncakwiila ulekala paKalundu ka Siyoni.

Kulumbaisha 80:12

Ino nceeboonshi ncemwamwaila malinga abo akulengesha buboni bwabo kubula mwiine?

Kulumbaisha 89:40

Mwapwayoola muumbu shoonse sha ndabala yakwe, alimwi mwanyonyoola malinga oonse ayi abe matongo.

Isaya 1:13

Amucileeke kuleta milambu yanu itacite ncito! Atwalo tununkila kabotu twanu tulamfundoosha kumoyo. Kusekelela kwanu kwa bushiku butaanshi bwa mweenshi, inshiku shanu shakookesha sha Cibelu alimwi akubungana kumwi koonse, nshishisuni. Shoonse shabica ceebo ca shibiibi shanu.

Isaya 1:8

Ndabala ya Siyoni yacaalabo yeenka anga nkatungu pakati ka muunda wa minyansa, nabi anga nkaanda kali mumuunda wabanamunwa. Ncakwiila yacaalabo anga nindabala ishingulukitwe abashilumamba.

Isaya 43:28

Abalo baleli banu bakabisha musena wangu usalalite. Paceebo ceeco ndakalengesha bene Isilaeli kunyonyoolwa. Ncakwiila ndakalekelesha bantu bangu ayi bacobolwe.”

Isaya 5:5

“Ono nceshi nkacite kumuunda wangu nceeci. Ndaakumwaya lushito lwa nguwo, lyalo muunda uyo ulaakunyonyoolwa. Ndaakupwaya lubumbu luutabilila, lyalo mulaakulyatoolwa abanyama bamuluundu.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Isaya 64:11

Ŋanda yanu isalalite alimwi yabulemu umo bamashali besu mobakalinga kumulumbaishila, yapya kumulilo. Misena yoonse njetwakalinga kusuni yanyonyoolwa.

Jelemiya 17:27

Sombi na mukabule kunyumfwila akusalasha bushiku bwakookesha bwa Cibelu mukutanoonyamuna mikuli ili yoonse pakwiinda paminjililo ya ndabala ya Jelusalemu pabushiku ubo, ndaakunyansha mulilo utashimiki paminjililo ya ndabala iyo, uyo weshi ukateente shiyubilo sha njiyo.’ ”

Jelemiya 42:18

“Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Bweenka bukali bwangu bwiindaawo mbobwakapoomokela pali baabo bakalinga kwikala kuJelusalemu, mbweeke ubo mbweshi bukapoomokele ndimwe mwaakuya kuIjipiti. Lyalo mulaakuba cintu ceelete kushinganwa, kuloondwa, kushibulukwa akusekwa. Cishi cino teshi mukacibonewo tubili.’ ”

Jelemiya 45:4

“Nebo neMwaami Lesa ndaamba ayi, ‘Ndaakumwaya nshendakayaka akutumuna sheesho nshendakashanga mucishi coonse ca panshi.

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Malilo 1:4

Mikwakwa iya kuSiyoni itoolila buumba, ceebo taaku nabi womwi uya kuŊanda yakwe Lesa mukusekelela panshiku shisalalite. Muminjililo yakwe yoonse taamu abantu baliimo. Bapailishi ba mumo batootongela, banakashi bakalinga kwiimbilaamo bapenga amyoyo. Paceebo ceeco ili mubuumba bunene abuumbi.

Malilo 4:16

Mwaami Lesa mwiine ngowakabapalanganya, taababikiiko amaano, sobwe. Bapailishi taabapiwo bulemu, abalo bamaloba babo taabanyumfwiliwo nkumbu.

Malilo 4:20

Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.

Malilo 5:12

Banaamwaami baangilila kumaansaabo akubaleleesha. Abalo bamaloba tabatoolemekwaawo, sobwe.

Esekelo 17:18

Mwaami wa bene Juda wakapwaya kushomesha cakulumbila kwakwe acipangano ico ncaakapanga ayi ulaakucilama. Wakacita shintu ishi shoonse aboobo teshi akapulukewo, sobwe.’

Bene Lefi 26:31

Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Sefaniya 3:18

bweenka mbobacita bantu pakusekelela.” Mwaami Lesa waamba ayi, “Ndaakukusha mapensho kuli ndiwe Ncakwiila ndaakukusha musebaanyo wako.

Malaki 2:9

Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”