Malilo 2:12 - Baibo Busansulushi Bwa Libuku Ili

¹² Batoolilila bamanyinawabo ayi, “Ino shinkwa awaini shili kuli?” Batoowisookabo anga mbantu bayaswa mipeeni mumikwakwa ya ndabala inene. Ee, batootula myoyo mumaansa a bamanyinawabo.

Malilo 2:12 Iomraidhean Croise

Jobo 30:16

“Ono bulya ndipafwaafwi akufwa alimwi kupenga kwangu takutoomana.

Kulumbaisha 42:4

Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Isaya 53:12

Paceebo ceeco ndaakumupa musena wabulemu, ee, kumupa musena pakati ka yeeyo ya basankwa bacite mpuwo mukwiinga waaba buumi kushikila akulufu, mukwiinga alakwe wabelengelwa pantu pomwi abamucita shibi alimwi mukwiinga wakabwesa shibiibi sha bantu baanji akubeemikanina ayi balekelelwe.”

Jelemiya 5:17

Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Malilo 1:11

Bantu ba njiyo boonse batootongela pakuyandoola cakulya. Batooshinta buboni bwabo ashakulya kwaamba ayi babe abuumi. Ndabala iyo itokwaamba ayi, “Amubone, noBaami baLesa akutuyeeya ceebo twacoboka.”

Malilo 4:4

Mukwiinga wa nyotwa milaka ya bakateta babo yacatilila kwiculu lya milomo yabo. Baana balasenga shinkwa, sombi taaku nabi womwi ubapaawo.

Esekelo 30:24

Lyalo ndaakupa nkusu maansa a mwaami wa bene Babiloni akubika mupeeni wangu mumaansaakwe, sombi lakwe Falawo mwaami wa bene Ijipiti ndaakumutyoloola maansa cakwaamba ayi ulaakunootongelabo kunembo lyakwe anga ngumuntu wacisikwa calufu.